ეროვნულმა საკალათბურთო ასოციაციამ 2014-15 წლების რეგულარული სეზონის ლაურეატების გამოვლენა დაიწყო. ცნობილი გახდა ორი ტრადიციული პრიზის მფლობელი - საუკეთესო მეექვსე მოთამაშე და საუკეთესო მწვრთნელი.საუკეთესო მეექვსე მოთამაშის ჯილდო სეზონის საუკეთესო რეზერვისტს გადაეცემა. ჩრდილოამერიკელმა ჟურნალისტებმა გამოკითხვის შედეგად ჯილდო მიაკუთვნეს "ტორონტო რეპტორზის" მცველს, ლუ უილიამსს, რომელმაც საშუალო 15.5 ქულით პირადი რეკორდი დაამყარა.
უილიამსმა 80 მატჩში მიიღო მონაწილეობა და ყოველთვის სათადარიგოთა სკამიდან შედიოდა თამაშში. მისი საშუალო სათამაშო დრო იყო 25.2 წუთი. ლუ 18 მატჩში გახდა "ტორონტოს" საუკეთესო მექულე, გუნდი ლიდერი იყო საჯარიმოების რეალიზაციის პროცენტით
ლუ უილიამსმა მეათე სეზონი ჩაატარა ლიგაში და პირველი "ტორონტოს" შემადგენლობაში.
გამოკითხვის შედეგები
1. ლუ უილიამსი (ტორონტო) - 502; 2. აიზია ტომასი (ბოსტონი) - 324; 3. ჯამალ კროუფორდი (კლიპერსი) - 131; 4. ანდრე იგუოდალა (გოლდენ სტეიტი) - 100; 5. ტრისტან ტომპსონი (კლივლენდი) - 33; 6. ნიკოლა მიროტიჩი (ჩიკაგო) - 24; 7. მერის სპეიტსი (გოლდენ სტეიტი) - 20; 8. კორი ბრიუერი (ჰიუსტონი) - 12; 8. მანუ ჯინობილი (სან ანტონიო) - 12; 10. ტაჯ გიბსონი (ჩიკაგო) - 8; 11. აარონ ბრუქსი (ჩიკაგო) - 1; 11. კრის კამანი (პორტლენდი) - 1; 11. ენტონი მოროუ (ოკლაჰომა) - 1; 11. დენის შრიოდერი (ატლანტა) - 1.
ყოველდღიური სპორტული გაზეთი "ლელო"
![ზაზა ფაჩულიას 12 ქულა 16 წუთში! - "გოლდენ სტეიტს" დურანტის 40-მა ქულამ ვერ უშველა [VIDEO]](/pictures/image7/be8116aee9c552e25bf45d0cdab27949.jpg "ზაზა ფაჩულიას 12 ქულა 16 წუთში! - \"გოლდენ სტეიტს\" დურანტის 40-მა ქულამ ვერ უშველა [VIDEO]")
