ეროვნული საკალათბურთო ასოციაციის ყოფილი ცენტრი დიკემბე მუტომბო კალათბურთის დიდების დარბაზში შეიყვანეს, - იტყობინება ESPN. საზეიმო ცერემონია სპრინგფილდში გაიმართა.ასეთივე პატივი წილად ხვდათ საუნივერსიტეტო კალათბურთის მწვრთნელს ჯონ კალიპარის, მსაჯს დიკ ბავეტს, მწვრთნელებს ჯორჯ რეივლინგს, ლინდსი გეიზსა და ტომ ჰეინსონს, აგრეთვე მოთამაშეებს - სპენსერ ჰეივუდს, ჯო ჯო უაიტს, ლიზა ლესლის, ლუის დამპიერსა და ჯონ აიზეკს.
აღვნიშნავთ, რომ მუტომბო ოთხჯერ გახდა NBA-ში დაცვითი სტილის საუკეთესო მოთამაშე, რვაჯერ მიიღო მონაწილეობა "ყველა ვარსკვლავის მატჩში", ექვსჯერ შეიყვანეს დაცვის სიმბოლურ ნაკრებში.
* * *
2016 წელს კი
ალენ აივერსონმა NBA-ში 14 სეზონი გაატარა, ერთხელ მიიღო სეზონის საუკეთესო მოთამაშის პრიზი, ოთხჯერ გახდა რეგულარული ჩემპიონატის საუკეთესო მოთამაშედ და 11-ჯერ ითამაშა "ყველა ვარსკვლავის მატჩში". მისი საშუალო კარიერული მონაგარი 26.7 ქულა, 6.2 პასი და 3.7 მოხსნაა.
"მგლებს" დროებითი მწვრთნელი ჰყავთ
"მინესოტა ტიმბერვულზის" მთავარი მწვრთნელი ფლიპ სონდერსი, რომელსაც გაზაფხულზე კიბოს დაავადება აღმოუჩინეს, საავადმყოფოშია მოთავსებული, - წერს Yahoo! Sports. ჯერჯერობით ლაპარაკი არ არის ოპერაციაზე, არამედ, გამოკვლევასა და სტაციონარულ მკურნალობაზე.
მიუხედავად ამისა, უკვე გამოცხადდა, რომ სონდერსი გამოტოვებს 2015-16 წლების სეზონის სტარტს. მთავარი მწვრთნელის მოვალეობებს შეასრულებს სემ მიტჩელი.
არსებობს ალბათობა იმისა, რომ სონდერსი, რომელიც ასევე "მინესოტას" პრეზიდენტი გახლავთ, სამწვრთნელო საქმეს სეზონის მსვლელობისას დაუბრუნდება. სპეციალისტმა ადრე განაცხადა, რომ ექიმებმა დაარწმუნეს - ამ სტადიაზე კიბოს განკურნება შესაძლებელია.
ახალ სეზონში პირველ მატჩს "მინესოტა" 28 ოქტომბერს, "ლოს ანჯელეს ლეიკერსის" წინააღმდეგ ჩაატარებს.
ყოველდღიური სპორტული გაზეთი "ლელო"
