ილიას ზუროსი: რატომ არ ვიღიმი? იმიტომ, რომ ჯერ არაფერი გადაწყვეტილა

საქართველოს ნაკრების მწვრთნელი ილიას ზუროსი ლიტვასთან გამარჯვებას მშვიდად შეხვდა, პრესკონფერენცია თავისი შეგირდების შექებით გახსნა:

"კმაყოფილი ვარ ჩემი კალათბურთელებით, მათ გმირულად იბრძოლეს და ეს გამარჯვება შემთხვევითი არ ყოფილა. თუმცა მხოლოდ ახლა დაიწყო ევროპის ჩემპიონატი, ჩავატარეთ პირველი შეხვედრა, ერთი მოგება არაფერს ნიშნავს, ჯგუფური ეტაპის დასრულებამდე კიდევ ოთხი თამაშია.

უნდა შევინარჩუნოთ სიმშვიდე, განვაგრძოთ წინსვლა და ამის შემდეგ დავტკბეთ წარმატებით. მეკითხებით, რატომ არ ვიღიმი? სწორედ იმიტომ, რომ ჯერ არაფერი გადაწყვეტილა, დიდი ხანია მწვრთნელად ვმუშაობ და ვიცი, საქმის კარგად დაწყების შემდეგ რაოდენ რთულია, ბოლომდე ასევე მიყვანა", - თქვა ზუროსმა.

- საქართველოს კალათბურთელთა ნაკრებმა ევრობასკეტზე ლიტვას მოუგო [VIDEO]