ევრობასკეტზე გერმანიასთან წაგებული მატჩის შემდეგ საქართველოს ნაკრების მთავარი მწვრთნელი ილიას ზუროსი მოკლე კომენტარით შემოიფარგლა:- საქართველოს ნაკრებმა ევრობასკეტზე გერმანიასთან წააგო [VIDEO]
"რამდენადაც კარგად ითამაშა გერმანიამ, იმდენად ცუდად - ჩვენ. ეს იყო წაგების მიზეზიც. ასეთი რამ კალათბურთში ხდება. ეს ის ბიჭები არიან, ლიტვასთან ძალიან კარგად რომ ითამაშეს".
ჟურნალისტების კითხვებმა მწვრთნელი მეტ-ნაკლებად აალაპარაკა:
"კალათბურთელებს მატჩის წინაც ველაპარაკე და ვუთხარი, რომ ჯერ მხოლოდ 1:0-ია. არ შეიძლება ასეთი დონის ტურნირის გახსნის მატჩში ისე იზეიმო, თითქოს მსოფლიოს ჩემპიონი გახდი.
კალათბურთელები პროფესიონალები არიან და ეს კარგად
მომდევნო ეტაპზე გასასვლელად კიდევ ორი მოგება გვინდა. დარჩენილია სამი მატჩი და მაქსიმალური კონცენტრირება გვჭირდება. კონცენტრირება კი დაცვიდან იწყება".
მეფარეებზე ილიას ზუროსმა ეს თქვა:
"აქცენტს ფარქვეშ თამაშზე ვაკეთებთ, რადგან ძლიერი ტანმაღალი კალათბურთელები გვყავს. როდესაც სამწამიანი ზონიდან უტევ, დიდი მნიშვნელობა აქვს მსაჯების გადაწყვეტილებებს. მათ კი ჯარიმები არ დასტვინეს.
არბიტრებზე ლაპარაკი საერთოდ არ მიყვარს და მათ არაფერს ვაბრალებ, მაგრამ მათმა მოქმედებამ თამაშის ფოლოსოფია შეცვალა.
ახლა ყველაფერი უნდა დავივიწყოთ და განვეწყოთ უკრაინასთან მატჩისთვის. ჩვენ ხომ მომდევნო ეტაპზე გასავლელად კიდევ ორი მოგება გვჭირდება", - თქვა საქართველოს ნაკრების თავკაცმა.
ვაჟა სიმონიშვილი თელ-ავივიდან
გამტამაშებლად დიქსონი ჯობია ცინცაძეს
23: