საქართველოს ნაკრებს 23 და 25 თებერვალს ორი მნიშვნელოვანი მატჩი ელის, ავსტრიასთან და გერმანიასთან. ამ შეხვედრებში ითამაშებს თუ არა მანუჩარ მარკოიშვილი? შეკითხვაზე პასუხს მისი საუბრიდან შეიტყობთ.- ევროთასზე, "ლიმოჟთან" მატჩში ტრავმა მივიღე, თუმცა ნამდვილად არ მახსოვს, რომელ ეპიზოდში ვიტკინე მუხლი. იტალიის ჩემპიონატში "პესაროსთან" შეხვედრაში მუხლი ძალიან ამტკივდა და ექიმებმა გადაწყვიტეს, რომ მდგომარეობა დასვენებით გამოსწორდებოდა. ამის შემდეგ კიდევ ვითამაშე, მაგრამ საბოლოოდ, სამედიცინო შემოწმების შედეგად ახალი დაზიანება აღმოჩნდა, რომლის მკურნალობისთვისაც გარკვეული დრო არის საჭირო.
"რეჯო ემილია" იტალიის თასზე ვერ გავიდა, ევროთასის პლეი ოფიც
- 23-მდე ტრავმის მოშუშება ვერ მოესწრება?
- სურათი ნაკრების ექიმს, თემურ ხვედელიძესაც გავუგზავნე. მუხლი საოპერაციო არ არის, მაგრამ მკურნალობა სჭირდება. გული ძალიან მწყდება, რომ ავსტრია-გერმანიასთან ნაკრებს ვერ დავეხმარები. დიდ პასუხისმგებლობას ვგრძნობ, როგორც ქვეყნის, ასევე მწვრთნელების და თანაგუნდელების წინაშე, რომლებიც მართლაც ბოლომდე იბრძოდნენ ნოემბრის მატჩებში.
არ ვარ ის პიროვნება, შუა გზაში გავჩერდე, ყოველთვის ვცდილობ, საქმე ბოლომდე მივიყვანო. ტრავმიანსაც მითამაშია. ასეთ დროს ყოფილა შემთხვევა, რომ ტრავმა გამმიზეზებია, თუმცა იყო შემთხვევები - ბოლომდე გამიტანია და ყველაფერი კარგად დასრულებულა. მთავარია, საკუთარ თავთან მართალი ვიყო. დამიჯერეთ, სადღეისოდ საქართველოს ნაკრების თითოეული მოთამაშე იმაზე მნიშვნელოვანია, ვიდრე ჩვენ წარმოგვიდგენია. თითოეული დიდ პატივისცემას იმსახურებს.
ინტერვიუს გაგრძელება იხილეთ Lelo.ge-ზე
![საქართველოს ნაკრები მსოფლიოს ვიცე-ჩემპიონთან დამარცხდა[VIDEO]](/pictures/image7/58a3ae5c56fe2e21a5977fafa22c10ff.jpg "საქართველოს ნაკრები მსოფლიოს ვიცე-ჩემპიონთან დამარცხდა[VIDEO]")
ღმერთმა ჯანმღთელად გამყოფოს !!!