ილიას ზუროსი საბერძნეთის "პერისტერის" მწვრთნელად დანიშნეს - ამის შესახებ ინფორმაციას ბერძნული კლუბი თავის "ფეისბუქის" გვერდზე ავრცელებს.
ის ათენურ გუნდში 9 წლის შემდეგ დაბრუნდა და ორწლიანი კონტრაქტი გაუფორმეს.
ზუროსმა განაცხადა, რომ მისთვის დიდი პატივია სახელოვანი გუნდის გაძღოლა და როგორც შინაურ, ასევე ევროსარბიელზე წარმატების მიღწევას შეეცდებიან.
"პერისტერი" აცხადებს, რომ გუნდს მძიმე სეზონი ელის, კვირაში ორი მატჩის ჩატარება მოუწევს და ახალი თავკაცის იმედი აქვს.
"პერისტერმა" გასულ სეზონში ჩემპიონატზე ბრინჯაოს მერდლები მოიპოვა და ჩემპიონთა ლიგაზე იასპარეზებს.
საქართველოს კალათბურთის ფედერაცია იუწყება, რომ ზუროსმა ბერძნულ კლუბთან
ხელშეკრულება მათთან შეთანხმებით გააფორმა, საქართველოს ნაკრებში შეთავსებით იმუშავებს და ამაში ხელი არ შეეშლება.
!["უოტფორდის" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]](/pictures/image7/66ff647a5fc728e56ac248b53cafb697.png "\"უოტფორდის\" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]")
