საქართველოს კალათბურთელთა ნაკრების კაპიტანმა ზაზა ფაჩულიამ ჟურნალისტს დევიდ პიკს განუცხადა, რომ ეროვნულ გუნდში აღარ ითამაშებს. ეს ინფორმაცია პიკმა საკუთარი ტვიტერით გაავრცელა. აი, რა თქვა ზაზამ:"როგორც ჩანს, ეს ჩემი ბოლო ტურნირი იყო. ნაკრებში შესანიშნავი 13 წელი გავატარე და ჩემი ქვეყანა წარმოვაჩინე. ახლა ძალიან იმედგაცრუებული ვარ, რადგან შეგვეძლო ფლეი-ოფში გავსულიყავით. ჩვენ გავიზარდეთ როგორც საკალათბურთო ქვეყანა, ამით ვამაყობ და ადგილს ახალგაზრდა თაობას ვუთმობ.
ისრაელს მადლობა მინდა გადავუხადო ტურნირის კარგად ორგანიზებისა და სტუმართმოყვარეობისათვის".
შეგახსენებთ, ფაჩულია კონტინენტის ოთხ პირველობაზე იყო ჩვენი ნაკრების გუნდისთავი.
![საქართველოს ნაკრები მსოფლიოს ვიცე-ჩემპიონთან დამარცხდა[VIDEO]](/pictures/image7/58a3ae5c56fe2e21a5977fafa22c10ff.jpg "საქართველოს ნაკრები მსოფლიოს ვიცე-ჩემპიონთან დამარცხდა[VIDEO]")
