27 დეკემბერს, ევროლიგის მე-14 ტურში თორნიკე შენგელიასა და მეტ ჯენინგის "ბასკონიამ" მოსკოვში "ხიმკი" 85:77 დაამარცხა.
სტუმართა გუნდი თავიდანვე დაეუფლა უპირატესობას, პირველი მეოთხედი 8 ქულით მოიგო, პირველი ტაიმი 7 ქულით, მესამე პერიოდში მასპინძლებმა დაწინაურება მოახერხეს, მაგრამ საბოლოოდ მაინც დამარცხდნენ.
შენგელიამ, რომელიც აშშ-დან დაბრუნდა, ნიღბით ითამაშა (ბარსელონასთან მატჩში ცხვირი გაიტეხა), 24:03 წუთში 8 ქულა (7-დან 4 ორქულიანი) ჩააგდო , 4-ჯერ მოხსნა და 2-ჯერ დაკარგა ბურთი.
აღსანიშნავია, რომ მესამე მეოთხედში როდესაც ბურთის ჩატენვას ცდილობდა, თორნიკემ ფარი ჩამოამსხვრია და თამაში ფარის გამოცვლამდე შეჩერდა.
ჯენინგმა 31:39 წუთში 12 ქულა (3-დან 2 ორქულიანი, 6-დან 2 სამქულიანი, 4-დან 2 საჯარიმო), 2 მოხსნა, ერთხელ დაკარგა ბურთი და 3 შედეგიანი გადაცემა მიითვალა.
მასპინძლებს ვერ დაეხმარა გუნდის ლიდერი ალეკსეი შვედი, რომელსაც თითი აქვს მოტეხილი.
"ბასკონია" 7 მოგებით მე-10 ადგილზეა და 4 იანვარს სტამბულში "ფენერბახჩეს" შეხვდება.
"მარკამ" შენგელიას მიერ ფარის ჩამოლეწვა საბონისს მომენტს შეადარა
championat.com: "ხიმკის" მოთამაშეები შენგელიას თავის წვერებიანად შთანთქავდნენ
![შენგელიას 21-მა ქულამ "ვირტუსს" "მილანში" ვერ უშველა [VIDEO]](/pictures/image7/af5a0e0b1ea8ee426abd835c72304a77.jpeg "შენგელიას 21-მა ქულამ \"ვირტუსს\" \"მილანში\" ვერ უშველა [VIDEO]")
![შენგელია "პანათინაიკოსთან" საუკეთესო იყო და ევროლიგაში 3000-ქულიანი ბარიერიც დაძლია [VIDEO]](/pictures/image7/a7a9270370e48a61d75653cb115da7ff.jpg "შენგელია \"პანათინაიკოსთან\" საუკეთესო იყო და ევროლიგაში 3000-ქულიანი ბარიერიც დაძლია [VIDEO]")
