29 სექტემბერს, ლიგა ენდესას მეორე ტურში თორნიკე შენგელიას "ბასკონია" დაძაბულ ბრძოლაში სტუმრად 87:95 დამარცხდა "ბარსელონასთან".
"პალაუ ბლაუგრანაში" შეკრებილმა 6 578-მა მაყურებელმა მართლაც საინტერესო მატჩი იხილა.
გადამწყვეტი მეოთხედის წინ "ბასკონია" 5 ქულით იგებდა, მაგრამ "ბარსელონამ" მოახერხა შეხვედრის დამატებით დროში გადაყვანა და საბოლოოდ გამარჯვების მოპოვება.
შენგელიამ 36:58 წუთში 16 ქულა (9-დან 4 ორქულინი, 6-დან 2 სამქულიანი, 2-დან 2 საჯარიმო), 4 მოხსნა და 3 პასი მიითვალა. ის თავის გუნდში ყველაზე შედეგიანი გახლდათ.
საქართველოს ნაკრების ნატურალიზებული კალათბურთელი მეტ ჯენინგი ბასკურ გუნდს 23:36 წუთში 11 ქულით შეეწია.
მატჩის საუკეთესო მოთამაშე, მარგი ქმედების 35-იანი კოეფიციენტით, მასპინძელი ბრენდონ დევისი იყო, რომელმაც ორმაგი დუბლი შეასრულა (24 ქულა+11 მოხსნა). 22 ქულა მისმა თანაგუნდელმა ნიკოლა მიროტიჩმა ჩააგდო.
6 ოქტომბერს "ბასკონია" "უნიკახას" უმასპინძლებს.
![შენგელიას 21-მა ქულამ "ვირტუსს" "მილანში" ვერ უშველა [VIDEO]](/pictures/image7/af5a0e0b1ea8ee426abd835c72304a77.jpeg "შენგელიას 21-მა ქულამ \"ვირტუსს\" \"მილანში\" ვერ უშველა [VIDEO]")
![შენგელია "პანათინაიკოსთან" საუკეთესო იყო და ევროლიგაში 3000-ქულიანი ბარიერიც დაძლია [VIDEO]](/pictures/image7/a7a9270370e48a61d75653cb115da7ff.jpg "შენგელია \"პანათინაიკოსთან\" საუკეთესო იყო და ევროლიგაში 3000-ქულიანი ბარიერიც დაძლია [VIDEO]")
