ფოტო: gbf.ge
5 ოქტომბერს, ლიგა ენდესას მესამე ტურში გიორგი შერმადინის "იბეროსტარი" ტენერიფეში 71:76 დამარცხდა "რეალთან".
"იბეროსტარი" ტოლ-სწორად ეთამაშა მრისხანე მეტოქეს, რომელმაც მეოთხე მეოთხედი უკეთ ჩაატარა და გაიმარჯვა.
ქართველი ცენტრი შესანიშნავად გაისარჯა: 29:56 წუთში 20 ქულა (12-დან 9 ორქულიანი, 2-დან 2 საჯარიმო), 7 მოხსნა, 2 პასი და 2 დაფარება მიითვალა. ის ორივე გუნდიდან ყველაზე შედეგიანი იყო და მარგი ქმედების 26-იანი კოეფიციენტით მატჩის საუკეთესო მოთამაშე გახდა.
გიორგის თანაგუნდელებმა სათანადოდ ვერ აუბეს მხარი - მის შემდეგ 8-8 ქულით ყველაზე შედეგიანები სანტიაგო იუსტა და კაილ სინგლერი იყვნენ. მადრიდელთაგან 19 ქულით სერხიო ლული გამოირჩა.
ტენერიფულ გუნდს 1 მოგება აქვს და 12 ოქტომბერს "მომბუსს" უმასპინძლებს.
![alt](/pictures/image50/52e597ccd4685c408b91058de8068f7f.jpg "გიორგი შერმადინი "რეალთან" ყველაზე შედეგიანი და საუკეთესო იყო")
გიორგი შერმადინის 12 ქულა და "იბეროსტარის" გამარჯვება მის ყოფილ გუნდთან![alt](/pictures/image50/597d24a8d9d2c05af12da81b4a563b9b.jpg "გიორგი შერმადინი "რეალთან" ყველაზე შედეგიანი და საუკეთესო იყო")
შერმადინის 23-მა ქულამ და 100%-იანმა სიზუსტემ "ტენერიფე" მარცხისაგან ვერ იხსნა [VIDEO]
