კალათბურთი

ლეგიონერები

დუდა სანაძემ 2019 წელი 13 ქულითა და გამარჯვებით დახურა

AutoSharing Option
2019 წლის ბოლო მატჩში დუდა სანაძემ შედეგიანად ითამაშა და თავის გუნდს გამარჯვების მოპოვებაში დაეხმარა. სანაძის "ოლივეირენშე" "ოვარენშეს" ხვდებოდა და აუტსაიდერთა შორის მყოფი მეტოქე 87:69 დაამარცხა.

ქართველი კალათბურთელი, ტრადიციულად, სასტარტო ხუთეულში იყო და 24:08 წუთში 13 ქულა, 2 მოხსნა და 1 პასი მოაგროვა. დუდამ 3-დან 2 ორქულიანი, 4-დან 2 სამქულიანი და 4-დან 3 საჯარიმო ჩააგდო, ბურთი ერთხელ დაკარგა, 4 პერსონალური ფოლი მიიღო და მის წინააღმდეგაც 4-ჯერ დაჯარიმდნენ.

სანაძის მოედანზე ყოფნის პერიოდში მასპინძლებმა სტუმრებზე 25 ქულით მეტი ჩააგდეს, რაც საუკეთესო მაჩვენებელი იყო.

"ოლივეირენშე" 10 მოგებითა და 4 მარცხით მე-4 ადგილზე იმყოფება და კვლავაც მხოლოდ პორტუგალიურ გრანდებს - "სპორტინგს", "ბენფიკასა" და "პორტუს" ჩამორჩება, რომელთაც თითო-თითო წაგება აქვთ. შემდეგ მატჩს სანაძის გუნდი 4 იანვარს, სტუმრად "მაიასთან" გამართავს.

მომზადებულია gbf.ge-ს მიხედვით
ტეგები: