ამერიკული გამოცემა 8points9seconds.com-ი სტატიას აქვეყნებს "ინდიანა პეისერსის" 3 კალათბურთელზე, რომლებსაც მომდევნო სეზონში წლევანდელთან შედარებით უფრო დიდი როლი ექნებათ და პირველ მოთამაშედ გოგა ბითაძეს ასახელებს.
Sportall.ge აღნიშნული სტატიიდან იმ ნაწილის თარგმანს გთავაზობთ, რომელიც გოგა ბითაძეს ეხება:
"გოგა ბითაძემ სეზონის დიდი ნაწილი სათადარიგოთა სკამზე გაატარა და NBA-ს თამაშებს მოედნის მიღმა სივრციდან აკვირდებოდა. ახლა კი დადგა დრო, რომ ქართველმა ცენტრმა განვითარების შემდეგი ნაბიჯი გადადგას.
ბითაძეს სეზონის განმავლობაში განვითარების შანსი არ ჰქონია. ქართველს მცირეოდენ წუთებს მაშინ აძლევდნენ, როცა ტერნერს ან საბონისს ჯარიმების საფრთხე ჰქონდა.
რეალურად, თამაშის შესაძლებლობა სულ რამდენჯერმე მიეცა.
აღსანიშნავია, რომ ბითაძის შანსები იმაზეც იქნება დამოკიდებული, რამდენად განაგრძობს საბონისი-ტერნერის დუეტი პროგრესირებას. თუ საბონისი ასეთ რიტმში განაგრძობს თამაშს და მისი დამხმარე ტერნერიც კარგად ითამაშებს, ბითაძეს ისევ ჩრდილში მოუწევს ყოფნა.
მიუხედავად იმისა, ექნება თუ არა გამორჩეული როლი გუნდში, ბითაძეს მარტის შუა რიცხვებისთვის 500 წუთი მაინც მიეცემა, ანუ წლევანდელ სეზონთან შედარებით 90 წუთით მეტი."
ამერიკული გამოცემა: ბითაძის აყვანით "ინდიანას" ძალიან გაუმართლა
![გოგას ორმაგი დუბლი და დეჟანტე მარის ბაზერ ბითერი - "ატლანტამ" "ორლანდოს" ბოლო წამებზე მოუგო [VIDEO]](/pictures/image7/787d7db178e4c64ed75b7fccefadd5f4.jpg "გოგას ორმაგი დუბლი და დეჟანტე მარის ბაზერ ბითერი - \"ატლანტამ\" \"ორლანდოს\" ბოლო წამებზე მოუგო [VIDEO]")
![ბითაძის 29 წუთი და "ორლანდოს" გამარჯვება "ნიუ იორკ ნიქსთან" [VIDEO]](/pictures/image7/b9ed611581d6d705b082b00d3497c588.jpg "ბითაძის 29 წუთი და \"ორლანდოს\" გამარჯვება \"ნიუ იორკ ნიქსთან\" [VIDEO]")
![ბითაძის 16 წუთი - "ორლანდო" "მინესოტასთან" დამარცხდა [VIDEO]](/pictures/image7/9d5912e3a2aca34b363adbd1bf2ae72e.jpg "ბითაძის 16 წუთი - \"ორლანდო\" \"მინესოტასთან\" დამარცხდა [VIDEO]")
![ბითაძის ორმაგი დუბლი - "ორლანდომ" "ატლანტა" დაამარცხა [VIDEO]](/pictures/image7/8b94e1068cf6121efc03ffed2b876277.jpg "ბითაძის ორმაგი დუბლი - \"ორლანდომ\" \"ატლანტა\" დაამარცხა [VIDEO]")
