შენგელიას "ბასკონიამ" თითქმის წაგებული მატჩი მოიგო და პლეი-ოფს მიუახლოვდა

ესპანეთის ჩემპიონატის ფინალური ეტაპის A ჯგუფის მეოთხე ტურში თორნიკე შენგელიას "ბასკონიამ" დრამატულ ბრძოლაში "უნიკახა" ოვერტაიმში 87:86 დაამარცხა.

პირველი ტაიმი ბასკურმა გუნდმა 9 ქულით მოიგო, მაგრამ მესამე მეოთხედი მალაგელებმა უკეთ ჩაატარეს და დაწინაურდნენ. ძირითადი დროის დასრულებამდე 1:30 წუთით ადრე "უნიკახა" 5 ქულით წინ იყო, მაგრამ მოპოვებული უპირატესობის შენარჩუნება ვერ შეძლო - შენგელია, რომელსაც მარჯვენა კოჭ-წვივის ტრავმა აქვს, პარკეტზე დაბრუნდა და ბოლო შეტევისას მეტოქეს სროლისას ბურთზე დაუფარა. ოვერტაიმში კი ვიტორიელებმა იმარჯვეს.

შენგელიამ 27:03 წუთში 9 ქულა (12-დან 3 ორქულიანი, 3-დან 0 სამიანი, 6-დან 3 საჯარიმო), 4 მოხსნა, 7 პასი და 1 დაფარება მიითვალა, ხოლო მისი სარგებლიანობის კოეფიციენტი 5 იყო.

"ბასკონია" 3 მოგებით ჯგუფში მეორე ადგილზეა, 25 ივნისს "ხუვენტუდს" შეხვდება და გამარჯვების შემთხვევაში პლეი-ოფში გავა.

შენგელია? შენგელია? შენგელია? - გომელსკის კონფერენციაზე კითხვები დააყარეს

შენგელიას 12 ქულა და "ბასკონიას" მარცხი "ბარსელონასთან"