მოსკოვის ცსკა-ს ბერძენმა მთავარმა მწვრთნელმა დიმიტრის იტუდისმა რუსულ კლუბში საქართველოს ნაკრების კაპიტან თორნიკე შენგელიას ტრანსფერი შეაფასა.
"ვფიქრობ, ბრწყინვალე ნაბიჯი გადავდგით. ამიტომაც მსურს მივულოცო კლუბს, ანდრეი ვატუტინსა და მფლობელებს. ასევე, ვულოცავ თოკოს, რადგან მას ჩვენს რიგებში თამაში ძალიან სურდა. შენგელიას წლების განმავლობაში ვაკვირდებოდით და როგორც იქნა, ეს ტრანსფერი განვახორციელეთ.
იმედი მაქვს, რომ თოკო სხვა კალათბურთელებთან ერთად ევროპის უძლიერეს კლუბებს შორის დარჩენაში დაგვეხმარება. ის უნივერსალური მოთამაშეა, რომელიც მუდმივად იბრძვის და ახლა გაფურჩქვნის ასაკშია.
ამიტომ, ოფიციალურად ვეუბნები: "თოკო, კეთილი იყოს შენი მობრძანება!" ვუსურვებ,
რომ მისმა ჟინმა და ოსტატობამ ჩვენი მოლოდინები გაამართლოს.
ვიცი, რომ გულშემატკივრებს შენგელიას ჩვენს რიგებში ხილვა ძალიან სურდათ. ვფიქრობ, ისინი ნათლად ხედავენ, რომ გამარჯვებულ გუნდს ვაშენებთ და ჩვენს მხარდაჭერასაც განაგრძობენ და თუ სიტუაცია მოგვცემს საშუალებას, უფრო მეტად გაავსებენ ტრიბუნებს", - ციტირებს ბერძენს ცსკა-ს ოფიციალური ვებგვერდი.
"ბედნიერი ვარ აქ გადმოსვლით" - თორნიკე შენგელია ცსკა-ს კალათბურთელია!
NBA-ში გადასვლას ცსკა ხელს ვერ შეუშლის - შენგელიას ტრანსფერის დეტალები ცნობილია
![შენგელიას 21-მა ქულამ "ვირტუსს" "მილანში" ვერ უშველა [VIDEO]](/pictures/image7/af5a0e0b1ea8ee426abd835c72304a77.jpeg "შენგელიას 21-მა ქულამ \"ვირტუსს\" \"მილანში\" ვერ უშველა [VIDEO]")
![შენგელია "პანათინაიკოსთან" საუკეთესო იყო და ევროლიგაში 3000-ქულიანი ბარიერიც დაძლია [VIDEO]](/pictures/image7/a7a9270370e48a61d75653cb115da7ff.jpg "შენგელია \"პანათინაიკოსთან\" საუკეთესო იყო და ევროლიგაში 3000-ქულიანი ბარიერიც დაძლია [VIDEO]")
