ბერიშვილის 8 სამიანი და 31 ქულა

მიხეილ ბერიშვილი, რომელმაც 3 დღის წინ თავის გუნდ “ალ შამალს” ბოლო წამზე, შორეული ორქულიანით მოაგებინა, წარმატებულ თამაშს განაგრძობს. მორიგ ტურში ქართველმა ფორვარდმა 8 სამქულიანი ჩააგდო, რითაც ალშამალებს მორიგი გამარჯვების მოპოვებაში დიდად დაეხმარა.

ბერიშვილის გუნდი ერთ-ერთ აუტსაიდერ "ალ რაიანს" ხვდებოდა და მეტოქე 90:76 დაამარცხა, ქართველმა კალათბურთელმა კი 31 ქულა ჩააგდო. მიშამ ტრადიციულად შეუცვლელად – 40 წუთს ითამაშა და 6-დან 2 ორქულიანი, 11-დან 8 სამქულიანი და 4-დან 3 საჯარიმო გამოიყენა, ამას გარდა კი, აქტივში 8 მოხსნა (3 შეტევაში), 1 პასი და 1 ჩაჭრაც ჰქონდა. მიშამ ბურთი მხოლოდ ერთხელ დაკარგა, 2 პერსონალური ფოლი მიიღო და მის წინააღმდეგაც ამდენჯერვე დაჯარიმდნენ.