მიხეილ ბერიშვილის "ალ შამალი" ყატარის საკალათბურთო ჩემპიონატის მორიგ ტურში უშუალო კონკურენტ "ალ არაბის" გაეჯიბრა და ქართველი ლეგიონერის შედეგიანი თამაშის მიუხედავად დამარცხდა - 74:82.საინტერესოა, რომ საფინალო სირენამდე 05:43 წუთით ადრე ბერიშვილმა მორიგი სამქულიანი ჩააგდო და "ალ შამალი" 71:62 დააწინაურა, რის შემდეგაც მეტოქე დარჩენილ დროში 20:3 გაიქცა და საბოლოო გამარჯვებაც მას დარჩა.
საქართველოს ნაკრების კალათბურთელმა ტრადიციულად შეუცვლელად ითამაშა და 40 წუთში 24 ქულა, 9 მოხსნა, 5 პასი და 1 დაფარება მიითვალა. მიხეილმა 6-დან 2 ორქულიანი, 11-დან 6 სამქულიანი და 3-დან 2
ბერიშვილს შედეგიანობის მხრივ ორივე გუნდის რიგებში საუკეთესო მაჩვენებელი ჰქონდა და მას სარგებლიანობის კოეფიციენტის (29) მიხედვითაც ვერავინ აჯობა.
"ალ შამალს" 7 ტურში 2 მარცხი მოუგროვდა და სატურნირო ცხრილში მე-3 ადგილზეა, მომდევნო მატჩს კი უკვე გაისად, 2 იანვარს, ერთპიროვნულ ლიდერ "ალ გარაფასთან" ჩაატარებს.
GBF.GE
![alt](/pictures/image50/fb579ee05178f09da5fdf130295465d1.jpg "ბერიშვილის 24 ქულა "ალ შამალს" "ალ არაბის" დასამარცხებლად არ ეყო")
ბერიშვილის ორმაგი დუბლი და "ალ შამალის" მე-5 გამარჯვება ყატარში
