ევროლიგის 22-ე ტურში თორნიკე შენგელიას ცსკა-მ ბერლინში 71:68 დაამარცხა "ალბა".
გერმანულმა გუნდმა მედგარი წინააღმდეგობა გაუწია მასზე ობიექტურად უფრო ძლიერ მეტოქეს და გამარჯვებული მხოლოდ შეხვედრის დასასრულს გამოვლინდა. შენგელიამ გადამწყვეტი 4 ქულა და გამარჯვება მოუპოვა თავის გუნდს.
თორნიკემ 26:09 წუთში 20 ქულა (7-დან 5 ორქულიანი, 3-დან 2 სამქულიანი, 6-დან 4 საჯარიმო), 1 მოხსნა, 3 პასი, 2 ჩაჭრა და 1 დაფარება მიითვალა, 2-ჯერ დაკარგა ბურთი, მისი სარგებლიანობის ინდექსი კი 21-ს გაუტოლდა და მატჩის MVP გახდა. მის შემდეგ ცსკა-ში ყველაზე შედეგიანი 13 ქულით დანიელ ჰეკეტი იყო. ორმაგი დუბლი ნიკოლა მილუტინოვმა შეასრულა - 10 ქულა და 11 მოხსნა.
ცსკა-ს 16 მოგება აქვს, "ბარსელონასთან" ერთად ლიდერია და 29 იანვარს "ბაიერნს" უმასპინძლებს.
და კიდევ: "სპორტ-ექსპრესის" ცნობით, რამდენიმე დღის წინ ვარჯიშზე ცსკა-ს ამერიკელი ლეგიონერი მაიკ ჯეიმსი შენგელიას ეჩხუბა, რის გამოც ის გუნდის შემადგენლობიდან გამოიყვანეს და კონტრაქტის გაწყვეტას უპირებენ. თუმცა, თავად ჯეიმსი ამას უარყოფს და ამბობს, რომ ვინც ეს ინფორმაცია გაავრცელა, იდიოტია.
ცნობილმა კომენტატორმა ვლადიმირ გომელსკიმ განაცხადა, რომ ჯეიმსის გარეშე ცსკა უკეთ თამაშობს, რადგან მასთან ერთად გუნდი შეტევაში არასტაბილურია, დაცვაში კი მეტოქის ყველაზე სუსტ კალათბურთელს მეურვეობს.
ერთი რამ კი ფაქტია - ჯეიმსის არყოფნაში შენგელია გაცილებით უკეთ თამაშობს და გუნდსაც უფრო ლიდერობს.
![alt](/pictures/image50/e4f99d05dab2b7723f69ba0b641bf657.jpg "შენგელია "ალბასთან" საუკეთესო იყო - ჯეიმსს გუნდიდან მასთან ჩხუბის გამო აგდებენ?")
შენგელიას 18 ქულა "ფენერბახჩესთან" და ცსკა-ს მარცხი [VIDEO]
![შენგელიას 21-მა ქულამ "ვირტუსს" "მილანში" ვერ უშველა [VIDEO]](/pictures/image7/af5a0e0b1ea8ee426abd835c72304a77.jpeg "შენგელიას 21-მა ქულამ \"ვირტუსს\" \"მილანში\" ვერ უშველა [VIDEO]")
![შენგელია "პანათინაიკოსთან" საუკეთესო იყო და ევროლიგაში 3000-ქულიანი ბარიერიც დაძლია [VIDEO]](/pictures/image7/a7a9270370e48a61d75653cb115da7ff.jpg "შენგელია \"პანათინაიკოსთან\" საუკეთესო იყო და ევროლიგაში 3000-ქულიანი ბარიერიც დაძლია [VIDEO]")
გვიმრავლოს ასეთი სპორტსმენები და კაცები!