ესპანეთის ჩემპიონატში მარცხი განიცადა გიორგი შერმადინის “ტენერიფემ”, რომელიც 33-ე ტურის მატჩში სტუმრად, ბადალონაში “ხუვენტუტს” შეხვდა. მატჩი მასპინძელთა გამარჯვებით – 90:85 დასრულდა.ქართველი ცენტრი თავის გუნდში საუკეთესო იყო. შერმადინი სასტარტო ხუთეულში არ ყოფილა, თუმცა მოედანზე მალევე გამოჩნდა და 27:13 წუთი ითამაშა. გიორგიმ 9-დან 7 ორქულიანი და 3-დან 3 საჯარიმო ჩააგდო, რასაც 5 მოხსნა, 1 პასი და 1 ჩაჭრა მოაყოლა. შერმადინმა ბურთ 4-ჯერ დაკარგა და ერთხელ დაჯარიმდა, მასზე მეტოქეებმა წესები 3-ჯერ დაარღვიეს.
შერმადინის სარგებლიანობის ინდექსმა 20 შეადგინა, რაც ტენერიფელთაგან საუკეთესო შედეგი გახლდათ.
25 მოგებითა და 7 მარცხით ტენერიფელები ისევ მყარად არიან მე-3 ადგილზე. შემდეგ მატჩს შერმადინის გუნდი 29 აპრილს შინ, აუტსაიდერ “აკუნსასთან” გამართავს, რომელთანაც პირველი წრის მატჩი სენსაციურად 87:89 წააგო.
GBF.GE
![alt](/pictures/image50/864a7232c415e40e53c03694482e115f.jpg "შერმადინის 20 ქულა "ტენერიფეს" ბადალონაში გასამარჯვებლად არ ეყო")
შერმადინი "ბილბაოსთან" მოგებულ მატჩში: 16 წუთი, 12 ქულა
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
