გიორგი შერმადინი ისევ საუკეთესოა. “ტენერიფეს” ქართველმა ცენტრმა თავის გუნდს სარაგოსაში ულიდერა და MVP-ის ტიტულიც დაიმსახურა. რაკი ტიტული ქართველს ერგო, მისმა გუნდმა მოიგო – 77:62 საბოლოო ანგარიში. თანაბარი პირველი ტაიმის ბოლოს კუნძულელებმა მცირე უპირატესობა მოიპოვეს, მეორე ტაიმის დასაწყისში +12 ქულით დაწინაურდნენ და გამარჯვების შანსი ხელიდან აღარ გაუშვიათ.
20 ქულა მოაგროვა „ტენერიფეს“ ბრაზილიელმა გამთამაშებელმა მარსელინიო უერტასმა, რომელიც ქულებს უმეტესად შერმადინის ბლოკების დახმარებით აგროვებდა.
შერმადინის მონაგარი ასეთი იყო: 26 წუთი, 22 ქულა, 10 მოხსნა, 2 პასი. გიორგიმ 9 ცდიდან 8 ორქულიანი ჩააგდო, საჯარიმოდან
კი 6-დან ყველა მიზანში გაარტყა. მარგი ქმედების კოეფიციენტიც (+36) ყველაზე მეტი დაუგროვდა და ცხადია, სწორედ ის აღიარეს მატჩის საუკეთესო კალათბურთელად. ამ მაჩვენებლით შერმადინმა ტურის საუკეთესობაზეც გააკეთა თამამი განაცხადი. ტურის დარჩენილი მატჩები კვირას გაიმართება.
GBF.GE
შერმადინის “ტენერიფე” ჩემპიონთა ლიგის მეოთხედფინალს მიუახლოვდა [VIDEO]
![საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]](/pictures/image7/3ccfb825dab0133960c110a22eb40d4e.jpg "საქართველოს ნაკრებში გამგზავრების წინ შერმადინი მანრესასთან მატჩის MVP გახდა [VIDEO]")
