შაკილ ო'ნილი: ჩემს დროს კალათბურთელებს მეტოქეობა უნდოდათ, ახლა ერთიანდებიან

NBA-ს დიდების დარბაზის წევრმა, ლეგენდარულმა შაკილ ო'ნილმა გადაცემაში Jimmy Kimmel Live! თქვა, რომ არ მოსწონს ნაციონალურ საკალათბურთო ასოციაციაში არსებული ტენდენცია, რომ სუპერვარსკვლავები გუნდებში ერთიანდებიან.

"მე არც ერთ ლოსანჟელესურ კლუბში არ წავიდოდი. ჩემს დროს კალათბურთელებს ერთმანეთთან მეტოქეობა უნდოდათ და არა გაერთიანება.

მე შევხედავდი ერთ გუნდს, რომელშიც ვარსკვლავები გაერთიანდებოდნენ და მეორეში გადავიდოდი. მე იმ კლუბს ავირჩევდი, რომელსაც სუპერვარსკვლავი დასჭირდებოდა. და ვაჩვენებდი ამ ბიჭებს, როგორ უნდა სუპერგუნდების დამარცხება", - თქვა შაკიმ.

NBA-ში არსებული შესვენების დროს "ტორონტო რეპტორზის" ფორვარდი კავაი ლეონარდი "კლიპერსში" გადავიდა, ხოლო

"ლეიკერსის" შემადგენლობა ენტონი დევისმა და დემარკუს კაზინსმა შეავსეს.

alt შაკილ ო'ნილმა NBA-ს ყველა დროის საუკეთესო ხუთეული დაასახელა