NBA. რეგულარული: ლებრონ ჯეიმსის "Sweet November" - მე-4 სამმაგი დუბლი მე-5 შეხვედრაში [VIDEO]

დღეს, 11 ნოემბრის დილით, NBA-ს რეგულარული სეზონის 8 შეხვედრა გაიმართა.

განსაკუთრებული მატჩი ჩაატარა ლებრონ ჯეიმსმა, რომელმაც ნოემბერში ჩატარებულ მე-5 შეხვედრაში მე-4 სამმაგი დუბლი დააფიქსირა, თუმცა "ლეიკერსი" სახლში "ტორონტოსთან" დამარცხდა - 104:113. ლებრონმა აღნიშნულ შეხვედრაში 13 ქულა ჩააგდო, 13-ჯერ მოხსნა ბურთი და 15 შედეგიანი გადაცემა გააკეთა. ენტონი დევისმა კალიფორნიელებს 27 ქულა შესძინა. "ტორონტოს" შემადგენლობაში საუკეთესო პასკალ სიაკამი იყო 24 ქულითა და 11 მოხსნით. ფრედ ვანვლიითმა შეხვედრაში 23 ქულა ჩააგდო, 10 შედეგიანი გადაცემა გააკეთა და 7-ჯერ მოხსნა ბურთი.

გოგა ბითაძის არყოფნაში მეორე შეხვედრა მოიგო "ინდიანა პეისერსმა". ინდიანაპოლისელებმა გასვლაზე დაამარცხეს "ორლანდო მეჯიქი" - 109:102. "ინდიანას" რიგებში საუკეთესო იყო დომანტას საბონისი, რომელმაც 38 წუთში 21 ქულა მიითვალა, 16-ჯერ მოხსნა ბურთი და 7 შედეგიანი გადაცემა გააკეთა. თი ჯეი უორენმა და მალკომ ბროგდონმა 19-19 ქულა ჩააგდეს.

36 წუთში 35 ქულა ჩააგდო და 16-ჯერ მოხსნა ბურთი იანის ანტეტოკუმპომ, რომლის "მილოუკი ბაქსმა" გასვლაზე "ოკლაჰომა" დაამარცხა - 121:119. "მილოუკის" რიგებში 25 ქულა ერიკ ბლედსლოუმ მოიპოვა, მასპინძელთა რიგებში კი საუკეთესო გერმანელი დენის შროდერი იყო 30 ქულით. კრის პოლმა შეხვედრა 17 ქულით დაასრულა, დანილო გალინარიმ - 14-ით.

მინესოტა - დენვერი 98:100

ფილადელფია - შარლოტი 114:106

ნიუ იორკი - კლივლენდი 87:108

ფენიქსი - ბრუკლინი 138:112

პორტლენდი - ატლანტა 124:113

NBA. რეგულარული სეზონი: ოლდრიჯის 39 ქულა, "სან ანტონიოს", "მაიამისა" და "კლიპერსის" მოგება [VIDEO]

მხიარული ეპიზოდი NBA-ში: "მილუოკის" კალათბურთელს ბურთის გათამაშება დაავიწყდა და... [VIDEO]