დღეს, 25 იანვარს, "მილუოკი ბაქსმა" "ატლანტა ჰოუქსს" უმასპინძლა და კომფორტული სხვაობით, 129:115 დაამარცხა.
მასპინძელთა რიგებში ლიგის მოქმედი MVP იანის ანტეტოკუნმპო გამოირჩა, რომელმაც 27 ქულა, 14 მოხსნა, 8 შედეგიანი გადაცემა და 1 დაფარება მიითვალა.
კარგი მატჩი ჩაატარა ბობი პორტისმაც, რომელმაც 21 ქულა, 6 მოხსნა და 1 შედეგიანი გადაცემა დააგროვა.
კრის მიდლტონმა თავი 19 ქულას, 8 მოხსნას, 7 შედეგიან გადაცემას და 1 ჩაჭრას მოუყარა.
რაც შეეხება "ატლანტას", ტრეი იანგის არყოფნაში საუკეთესო მექულე დეანდრე ჰანტერი გახლდათ, რომელმაც გუნდს 33 ქულა, 4 მოხსნა, 4 შედეგიანი გადაცემა და 1 ჩაჭრა მოუტანა.
შესანიშნავად ითამაშა ჯონ კოლინსმაც, რომელმაც 30 ქულა, 7 მოხსნა და 3 შედეგიანი გადაცემა მიითვალა.
იტალიელმა დანილო გალინარიმ თავი 17 ქულით, 3 მოხსნითა და 2 შედეგიანი გადაცემით გამოიჩინა.
16 თამაშის შემდეგ "ბაქსი" 10 გამარჯვებითა და 6 მარცხით აღმოსავლეთ კონფერენციაში მე-2 ადგილს იკავებს.
თავის მხრივ, "ატლანტა" ამავე კონფერენციაში 8 მოგებითა და ამდენივე წაგებით მე-7 ადგილს იკავებს.
"მილუოკი" მომდევნო მატჩს 28 იანვარს, "ტორონტოს" წინააღმდეგ გამართავს.
"ჰოუქსი" 27 იანვარს "ლოს ანჯელეს კლიპერსს" დაუპირისპირდება.
![alt](/pictures/image50/99a7721435eb71b7b296b9d3f9e7d2c8.jpg "ბერძენი შესანიშნავ ფორმაშია! "მილუოკის" მორიგი გამარჯვება [VIDEO]")
რა ხდება ბრუკლინში? ჰარდენს პირველ ტაიმში კალათისკენ არ უსვრია [PHOTO+VIDEO]![alt](/pictures/image50/83d56e5d7c08e1235dee55f203f683d1.jpeg "ბერძენი შესანიშნავ ფორმაშია! "მილუოკის" მორიგი გამარჯვება [VIDEO]")
7 წლის წინ 66%-ით ჩაგდებული 62 ქულა! კარმელო ენტონის ისტორიული მატჩი [VIDEO]
![ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი "ბაქსის" რიგებში [VIDEO]](/pictures/image7/45c9ce7b9d042b3a317520e3550f587a.jpg "ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი \"ბაქსის\" რიგებში [VIDEO]")
!["სელტიკსი" ნახევარფინალშია - "ბოსტონმა" "ატლანტა" სერიაში 4:2 დაამარცხა [VIDEO]](/pictures/image7/5c0c980eae73f6526d7d304cfceb3c1e.jpg "\"სელტიკსი\" ნახევარფინალშია - \"ბოსტონმა\" \"ატლანტა\" სერიაში 4:2 დაამარცხა [VIDEO]")
![ჯიმი ბატლერის სასწაული ბოლო წამებზე - "ბაქსი" პლეი-ოფს გამოეთიშა [VIDEO]](/pictures/image7/0b9aa0553f6e936c1126c2320463a1aa.jpg "ჯიმი ბატლერის სასწაული ბოლო წამებზე - \"ბაქსი\" პლეი-ოფს გამოეთიშა [VIDEO]")
