ეს ის შემთხვევაა, როცა მატჩის შედეგს მნიშვნელობა არ აქვს. შეხვედრაში, რომელშიც ნბა-ს და შესაბამისად მსოფლიოს ვარსკვლავები მონაწილეობდნენ, ახალგაზრდა ქართველმა ორმაგი დუბლი – 20 ქულა და 11 მოხსნა მოაგროვა. მამუკელაშვილმა ამ ხმაურიანი შედეგის დაფიქსირება მოახერხა გუნდის წინააღმდეგ, რომელშიც კევინ დიურანტი, ჯეიმს ჰარდენი, ლამარკუს ოლდრიჯი და ბლეიკ გრიფინი თამაშობდნენ.
ამ სუპერვარსკვლავთაგან მამუკელაშვილს პეიოდულად უშუალოდ ბლეიკ გრიფინის წინააღმდეგ უწევდა თამაში და სანდრომ თავი არც ერთ ეპიზოდში არ შეირცხვინა. მეტიც, მამუკელაშვილმა ყველა სათამაშო კომპონენტში გამოიჩინა თავი: შორიდანაც ჩააგდო, გარღვევებიც მიითვალა, ბურთიც მოხდენილად ჩატენა, ლამაზი პასიც გასცა და ფარზეც მაგრად იმუშავა – 11 მოხსნა ამის დასტურია. აღსანიშნავია, რომ მამუკელაშვილის ბურთის ეფექტურად ჩატენვის დროს ბრუკლინელთა შემადგენლობაში მოედანზე იყო სამი სუპერვარსლვლავი: დიურანტი, ჰარდენი და გრიფინი.
მამუკელაშვილი სასტარტო ხუთეულში იყო და მოედანზე 30:11 წუთი გაატარა. ამ დროში სანდრომ 9-დან 6 ორქულიანი, 5-დან 2 სამიანი და 6-დან 2 საჯარიმო ჩააგდო. 20 ქულასთან ერთად მის ანგარიშზე 11 მოხსნა, 1 პასი და 1 ჩაჭრა დაგროვდა. მის პასივში 4 დაკარგვა გახლდათ.
გთავაზობთ პერსონალურად "მამუს" გამორჩეულ ეპიზოდებს:
მილუოკიში ისევ არ ითამაშა იანის ადეტოკუმბომ, ხოლო საუკეთესო ისევ ჯორდან ნვორა გახლდათ , რომელმაც 30 ქულა და 8 მოხსნა მოაგროვა. ბრუკლინში არასრული 24 წუთი ითამაშა კევინ დიურანტმა, რომელმაც 18 ქულა, 6 მოხსნა და 3 პასი მოაგროვა. ბლეიკ გრიფინმა, რომელიც მამუკელაშვილის ამპლუის მოთამაშეა, 20 წუთში 3 ქულა, 5 პასი და 2 მოხსნა მიითვალა. ჯეიმზ ჰარდენმა გამარჯვებულ ბრუკლინელებს 8 ქულა, 4 მოხსნა და 4 პასი შესძინა.
შემდეგ საგამოფენო მატჩს "მილუოკი" 10 ოქტომბერს, შინ "კლივლენდთან" გამართავს.
GBF
![alt](/pictures/image50/ae0cfdc44322ea1c946a5ef630be84f9.png ""მამუს" ზრაპრული თამაში ვარსკვლავებით დახუნძლული "ბრუკლინის" წინააღმდეგ [VIDEO]")
მამუკელაშვილის ბრწყინვალე დებიუტი, გოგა დაცვაში გამოირჩა [VIDEO]
![კვლავ სასტარტო ხუთეულში - მამუკელაშვილმა სეზონი კარგი მატჩით დაასრულა [VIDEO]](/pictures/image7/bfe576173dcdc0bfcd0064b131bfaef5.png "კვლავ სასტარტო ხუთეულში - მამუკელაშვილმა სეზონი კარგი მატჩით დაასრულა [VIDEO]")
![სანდროს მაგარი მატჩი და "სპურსის" 23 ქულიანი ქამბექი მოქმედ ჩემპიონთან [VIDEO]](/pictures/image7/da43861f424d6cf3bb738940328f8247.png "სანდროს მაგარი მატჩი და \"სპურსის\" 23 ქულიანი ქამბექი მოქმედ ჩემპიონთან [VIDEO]")
![მამუკელაშვილის ორმაგი დუბლი და პირადი რეკორდი - "სპურსმა" "მემფისი" დაამარცხა [VIDEO]](/pictures/image7/1b55791eee03af9928f778bffc3a50a7.png "მამუკელაშვილის ორმაგი დუბლი და პირადი რეკორდი - \"სპურსმა\" \"მემფისი\" დაამარცხა [VIDEO]")
![მამუკელაშვილმა სასტარტოში 25 წუთი ითამაშა და "სან ანტონიოს" გამარჯვებაში დაეხმარა [VIDEO]](/pictures/image7/61cc0309607cc67370e61069659b5683.png "მამუკელაშვილმა სასტარტოში 25 წუთი ითამაშა და \"სან ანტონიოს\" გამარჯვებაში დაეხმარა [VIDEO]")
![მამუკელაშვილს "დენვერთან" მატჩში ორმაგ დუბლამდე 1 მოხსნა დააკლდა [VIDEO]](/pictures/image7/22a6bcf0c1f837a87e84c835c91a0945.jpeg "მამუკელაშვილს \"დენვერთან\" მატჩში ორმაგ დუბლამდე 1 მოხსნა დააკლდა [VIDEO]")
გოგას სხვა სკოლა აქვს გავლილი, მამუს სხვა.
ორივე მაგარია და ჩვენი იმედია!
აცალეთ ორივეს და ისიამოვნეთ მათი თამაშის ყურებით!
ესენი ნაკრებში ერთად თუ ათამაშე ევრობასკეტის მოგებაზეც შეიძლება ოცნება! :)