ნაციონალურ საკალათბურთო ასოციაციაში საგამოფენო შეხვედრები გრძელდება.
"საკრამენტო კინგსმა" "ლოს ანჯელეს ლეიკერსს" უმასპინძლა და 4-ქულიანი სხვაობით, 116:112 დაამარცხა.
მაპინძელთა რიგებში დეარონ ფოქსი გამოირჩა, რომელმაც თავი 21 ქულით, 3 მოხსნითა და 5 შედეგიანი გადაცემით გამოიჩინა.
ტერენს დევისმა 20 ქულა, 6 მოხსნა და 3 შედეგიანი გადაცემა მიითვალა.
"ლეიკერსის" შემადგენლობაში ლებრონ ჯეიმსმა 30 ქულა, 6 მოხსნა, ამდენივე შედეგიანი გადაცემა და 2 დაფარება დააგროვა.
რასელ უესტბრუქმა გუნდს 18 ქულა, 3 მოხსნა, 5 შედეგიანი გადაცემა და 3 ჩაჭრა შესძინა.
ამრიგად,"კინგსმა" პრესეზონი 4 მოგებითა და 0 მარცხით
დაასრულა. საპირისპიროდ, "ყვითლებმა" ყველა შეხვედრა დათმო.
"საკრამენტო" 2021/22 წლების სეზონს 21 ოქტომბერს"პორტლენდთან" დაპირისპირებით გახსნის. "ლეიკერსი" 20 ოქტომბერს "გოლდენ სტეიტ უორიორსს" შეხვდება.
"ბრუკლინ ნეტსმა" "მინესოტა ტიმბერვულვზს" უმასპინძლა და 107:101 დაამარცხა.
მასპინძელთა რიგებიდან საუკეთესო მექულე ჯო ჰარისი გახლდათ, რომელმაც თავი 23 ქულით, 5 მოხსნითა და 3 შედეგიანი გადაცემით გამოიჩინა.
კევინ დურანტმა 19 ქულა, 7 მოხსნა და 1 შედეგიანი გადაცემა დააგროვა.
"მინესოტას" შემადგენლობიდან ენტონი ედვარდსი გამოირჩა, რომელმაც გუნდს 23 ქულა, 4 შედეგიანი გადაცემა და 2 ჩაჭრა შესძინა.
ამრიგად, ორივე გუნდმა 4 საგამოფენო შეხვედრიდან 3 მოგება მოახერხა.
"ბრუკლინი" 20 ოქტომბერს, ახალ სეზონს მოქმედ ჩემპიონებთან, "მილუოკი ბაქსთან" დაპირისპირებით გახსნის. "ტიმბერვულვზი" 21 ოქტომბერს "ჰიუსტონ როკეტსს" დაუპირისპირდება.
![alt](/pictures/image50/bf834054db90e115c7cd06fb94da6e84.jpg ""ლეიკერსმა" პრესეზონი მოგების გარეშე დაასრულა, "ბრუკლინი" კარგ ფორმაშია [VIDEO]")
ჰარდენისა და დურანტის 44 ქულა "ბრუკლინს" გასამარჯვებლად არ ეყო [VIDEO]
![დევისის დომინანტური მატჩი - "ლეიკერსმა" "მინესოტა" დაამარცხა [VIDEO]](/pictures/image7/b71b87cfff62c1f0ecde0d1d17aed525.jpg "დევისის დომინანტური მატჩი - \"ლეიკერსმა\" \"მინესოტა\" დაამარცხა [VIDEO]")
!["ლოს ანჯელეს ლეიკერსი" NBA-ის შიდასასეზონო ტურნირის გამარჯვებულია [VIDEO]](/pictures/image7/6b3f4a56600f512c52eea18ed142482d.jpg "\"ლოს ანჯელეს ლეიკერსი\" NBA-ის შიდასასეზონო ტურნირის გამარჯვებულია [VIDEO]")
![ჯეიმსის ისტორიული მატჩი - "ლეიკერსმა" "იუტა" დაამარცხა [VIDEO]](/pictures/image7/1d12114aaa0f32aa247847e802b4d92e.jpg "ჯეიმსის ისტორიული მატჩი - \"ლეიკერსმა\" \"იუტა\" დაამარცხა [VIDEO]")
![სტეფ კარის შოუ "საკრამენტოსთან" და "გოლდენ სტეიტის" პირველი გამარჯვება ახალ სეზონში [VIDEO]](/pictures/image7/59f32ea5ddea3ac357c7f11ccfe04a04.jpg "სტეფ კარის შოუ \"საკრამენტოსთან\" და \"გოლდენ სტეიტის\" პირველი გამარჯვება ახალ სეზონში [VIDEO]")
![როცა გენიოსი სპორტის ლეგენდებსაც აოცებს - გაოგნებული სერენა, ლებრონი და ბექჰემი... როგორი იყო მესის დებიუტი "ინტერ მაიამიში" [VIDEO]](/pictures/image7/7984e9b957b89cb092af0bfb1ffc0f33.jpg "როცა გენიოსი სპორტის ლეგენდებსაც აოცებს - გაოგნებული სერენა, ლებრონი და ბექჰემი... როგორი იყო მესის დებიუტი \"ინტერ მაიამიში\" [VIDEO]")