დღეს, 22 ოქტომბერს, NBA-ს მოქმედი ჩემპიონი, "მილუოკი ბაქსი" "მიამი ჰიტს" ესტუმრა. შეხვედრა მასპინძელთა გამარჯვებით 137:95 დასრულდა.
"ირმების" შემადგენლობაში სანდრო მამუკელაშვილმა მოედანზე 27 წუთი გაატარა, რა დროშიც გუნდს 12 ქულა, 4 მოხსნა და 1 შედეგიანი გადაცემა შესძინა.
საუკეთესო მექულე იანის ანტეტოკუმპო - ბერძენმა კალათბურთელმა 15 ქულა, 10 მოხსნა, 2 შედეგიანი გადაცემა და 3 ჩაჭრა დააგროვა.
რა შეეხება "მაიამის", ტაილერ ჰიროუმ თავი 27 ქულით, 6 მოხსნითა და 5 შედეგიანი გადაცემით გამოიჩინა.
ჯიმი ბატლერმა გუნდს 21 ქულა, 4 მოხსნა, 6 შედეგიანი გადაცემა და 1 ჩაჭრა შესძინა.
"ბაქსი" მომდევნო შეხვედრას 24 ოქტომბერს, ტეხასში "სან ანტონიო სპურსის" წინააღმდეგ გამართავს, "ჰიტი" იმავე რიცხვში "ინდიანა პეისერსს" დაუპირისპირდება.
"გოლდენ სტეიტ უორიორსმა" "ლოს ანჯელეს კლიპერსს" უმასპინძლა და 2 ქულიანი უპირატესობით, 115:113 დაამარცხა.
მასპინძელთა რიგებიდან სტეფ კარიმ შესანიშნავი შეხვედრა გამართა, "ოქროს ბიჭუნამ" თავი 45 ქულით, 10 მოხსნით, 1 შედეგიანი გადაცემით, 1-იც ჩაჭრითა და ამდენივე დაფარებით გამოიჩინა.
სტეფს მხარი ენდრიუ უიგინსმა აუბა, რომელმაც 17 ქულა, 6 მოხსნა, 3 შედეგიანი გადაცემა, 1 ჩაჭრა და ამდენივე დაფარება დააგროვა.
რაც შეეხება "კლიპერსს", საუკეთესო პოლ ჯორჯი გახლდათ, რომელმაც 29 ქულა, 11 მოხსნა, 6 შედეგიანი გადაცემა და 1 ჩაჭრა მიითვალა.
ერიკ ბლედსოუმ გუნდს 22 ქულა, 3 მოხსნა, 2 შედეგიანი გადაცემა, 3 ჩაჭრა და 1 დაფარება შესძინა.
"გოლდენ სტეიტი" მომდევნო შეხვედრას 25 ოქტომბერს, "საკრამენტო კინგსის" წინააღმდეგ გამართავს.
"კლიპერსი" 24 ოქტომბერს "მემფის გრიზლს" შეხვდება.
"ატლანტა ჰაუქსმა" "დალას მავერიკსს" უმასპინძლა და დიდი უპირატესობით, 113:87 დაამარცხა.
მასპინძელთა რიგებიდან საუკეთესო ტრეი იანგი გახლდათ, რომელმაც 19 ქულა, 2 მოხსნა, 14 შედეგიანი გადაცემა და 1 ჩაჭრა მიითვალა.
კემ რედიშმა თავი 20 ქულით, 3 მოხსნით, 1 შედეგიანი გადაცემითა და ამდენივე ჩაჭრით გამოიჩინა.
"დალასის" მხრიდან ლუკა დონჩიჩმა გუნდს 18 ქულა, 11 მოხსნა, 7 შედეგიანი გადაცემა და 1 ჩაჭრა შესძინა.
"ჰაუქსი" მომდევნო შეხვედრას 24 ოქტომბერს "კლივლენდ კავალიერსის" წინააღმდეგ გამართავს, "მავერიკსი" იმავე რიცხვში "ტორონტო რეპტორსს" დაუპირისპირდება.
![კვლავ სასტარტო ხუთეულში - მამუკელაშვილმა სეზონი კარგი მატჩით დაასრულა [VIDEO]](/pictures/image7/bfe576173dcdc0bfcd0064b131bfaef5.png "კვლავ სასტარტო ხუთეულში - მამუკელაშვილმა სეზონი კარგი მატჩით დაასრულა [VIDEO]")
![სანდროს მაგარი მატჩი და "სპურსის" 23 ქულიანი ქამბექი მოქმედ ჩემპიონთან [VIDEO]](/pictures/image7/da43861f424d6cf3bb738940328f8247.png "სანდროს მაგარი მატჩი და \"სპურსის\" 23 ქულიანი ქამბექი მოქმედ ჩემპიონთან [VIDEO]")
![მამუკელაშვილის ორმაგი დუბლი და პირადი რეკორდი - "სპურსმა" "მემფისი" დაამარცხა [VIDEO]](/pictures/image7/1b55791eee03af9928f778bffc3a50a7.png "მამუკელაშვილის ორმაგი დუბლი და პირადი რეკორდი - \"სპურსმა\" \"მემფისი\" დაამარცხა [VIDEO]")
![მამუკელაშვილმა სასტარტოში 25 წუთი ითამაშა და "სან ანტონიოს" გამარჯვებაში დაეხმარა [VIDEO]](/pictures/image7/61cc0309607cc67370e61069659b5683.png "მამუკელაშვილმა სასტარტოში 25 წუთი ითამაშა და \"სან ანტონიოს\" გამარჯვებაში დაეხმარა [VIDEO]")
![მამუკელაშვილს "დენვერთან" მატჩში ორმაგ დუბლამდე 1 მოხსნა დააკლდა [VIDEO]](/pictures/image7/22a6bcf0c1f837a87e84c835c91a0945.jpeg "მამუკელაშვილს \"დენვერთან\" მატჩში ორმაგ დუბლამდე 1 მოხსნა დააკლდა [VIDEO]")
