ნაციონალურ საკალათბურთო ასოციაციაში მორიგი შეხვედრები გაიმართა.
"ნიუ ორლეანს პელიკანსი" "ლოს ანჯელეს კლიპერსს" ესტუმრა და 123:104 დაამარცხა.
სტუმართა რიგებიდან იონას ვალანჩუნასმა თავი 39 ქულით, 15 მოხსნით, 3 შედეგიანი გადაცემითა და 2 ჩაჭრით გამოიჩინა. ლიეტუველი ცენტრი NBA-ს ისტორიაში 1-ლი კალათბურთელი გახდა, რომელმაც 35+ ქულა (7 სამქულიანი), 15 მოხსნა არასრულ 35 წუთში (32) დააგროვა. აღსანიშნავია, რომ ევროპელმა 7-ივე სამქულიანი 1-ელ ტაიმში ჩააგდო.
კარგი შეხვედრა გამართა ბრენდონ ინგრამმაც, რომელმაც 27 ქულა, 7 მოხსნა და 4 შედეგიანი გადაცემა დააგროვა.
რაც შეეხებათ მასპინძლებს, "კლიპერსის" შემადგენლობიდან პოლ ჯორჯმა
გუნდს 27 ქულა, 3 მოხსნა, ამდენივე შედეგიანი გადაცემა და 1 ჩაჭრა შესძინა.
ამრიგად, "პელიკანსი" 6 გამარჯვებითა და 17 წაგებით დასავლეთ კონფერენციაში ბოლოსწინა, მე-14 ადგილზე იმყოფება, მომდევნო შეხვედრას კი 2 დეკემბერს, "დალას მავერიკსის" პირისპირ ჩაატარებს.
კალიფორნიელები 11 მოგებითა და 10 მარცხით იმავე დასავლეთში მე-5 პოზიციას იკავებენ. შემდეგი ტურის მატჩს (2 დეკემბერს) "საკრამენტო კინგსის" წინააღმდეგ გამართავენ.
"ჩიკაგო ბულზმა" "შარლოტ ჰორნეტსს" უმასპინძლა და 133:119 დაამარცხა. ამ შეხვედრაში ერთმანეთის პირისპირ ლონზო და ლამელო ბოლებმა ითამაშეს.
მასპინძელთა შემადგენლობიდან საუკეთესო ნიკოლა ვუჩევიჩი გახლდათ, რომელმაც თავი 30 ქულით, 14 მოხსნით, 5 შედეგიანი გადაცემითა და 2 დაფარებით გამოიჩინა.
დემარ დეროუზანმა 28 ქულა, 5 მოხსნა, 6 შედეგიანი გადაცემა და 1 ჩაჭრა მიითვალა.
ლონზო ბოლმა აქტივში 16 ქულა, 1 მოხსნა, 8 შედეგიანი გადაცემა, 1 ჩაჭრა და ამდენივე დაფარება ჩაიწერა.
რაც შეეხება "ჰორნეტსს", ტერი როზიე გამოირჩა, რომელმაც გუნდს 31 ქულა, 2 მოხსნა, 4 შედეგიანი გადაცემა და 1 დაფარება შესძინა.
ლამელო ბოლმა 18 ქულა, 7 მოხსნა, 13 შედეგიანი გადაცემა, 1 ჩაჭრა და ამდენივე დაფარება მიითვალა.
ასე და ამგვარად, "ბულზი" 14 გამარჯვებითა და 8 წაგებით აღმოსავლეთ კონფერენციაში მე-2 ადგილზე იმყოფება, მომდევნო შეხვედრას კი 3 დეკემბერს, "ნიუ იორკ ნიქსის" პირისპირ ჩაატარებს.
"შარლოტი" 13 მოგებითა და 10 მარცხით იმავე აღმოსავლეთში მე-5 პოზიციას იკავებს, შემდეგი ტურის მატჩს კი 2 დეკემბერს, "მილუოკი ბაქსის" წინააღმდეგ გამართავს.
ემოციური მომენტი - სანდრო და გოგა ერთმანეთს გულთბილად გადაეხვივნენ... გასული დღის მიმოხილვა [VIDEO]
!["კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]](/pictures/image7/a4f965ca021aab6a68a2a7ca9750c131.jpg "\"კლიპერსის\" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]")
![ჰარდენის 4 ქულიანი შეტევა ბოლო წამებზე და სათადარიგოთა სკამზე მოწყენილი ვესტბრუკი - "კლიპერსმა" "ჰიუსტონი" დაამარცხა [VIDEO]](/pictures/image7/e2f35666ae0c6a00b7b548a16b66da83.jpg "ჰარდენის 4 ქულიანი შეტევა ბოლო წამებზე და სათადარიგოთა სკამზე მოწყენილი ვესტბრუკი - \"კლიპერსმა\" \"ჰიუსტონი\" დაამარცხა [VIDEO]")
!["ფინიქსმა" "კლიპერსი" დაამარცხა და სერიაში ანგარიში გაათანაბრა [VIDEO]](/pictures/image7/eb44a522978e4a247e99e4810e61db99.jpg "\"ფინიქსმა\" \"კლიპერსი\" დაამარცხა და სერიაში ანგარიში გაათანაბრა [VIDEO]")
!["კლიპერსმა" "ლეიკერსი" დაამარცხა [VIDEO]](/pictures/image7/9619ad4d1e514bc0ec8227c830929da5.jpg "\"კლიპერსმა\" \"ლეიკერსი\" დაამარცხა [VIDEO]")
![სანდროს 17 წუთი და გამარჯვება დასავლეთის ერთ-ერთ ლიდერთან [VIDEO]](/pictures/image7/51f21763f2cc97a5d3e03a313f0fa40b.png "სანდროს 17 წუთი და გამარჯვება დასავლეთის ერთ-ერთ ლიდერთან [VIDEO]")
