ნაციონალურ საკალათბურთო ასოციაციაში პლეი-ოფის მორიგი შეხვედრები გაიმართა.
"დალას მავერიკსმა" "ფინიქს სანსს" უმასპინძლა და 113:86 დაამარცხა.
მასპინძელთა მხრიდან ლუკა დონჩიჩმა თავი 33 ქულით, 11 მოხსნით, 8 შედეგიანი გადაცემითა და 4 ჩაჭრით გამოიჩინა.
სლოვენიელ ვარსკვლავს მხარი რეჯი ბულოკმა აუბა, რომელმაც გუნდს 19 ქულა, 7 მოხსნა და 2 ჩაჭრა შესძინა.
"სანსის" შემადგენლობიდან დეანდრე ეიტონმა 21 ქულა, 11 მოხსნა და 1 შედეგიანი გადაცემა დააგროვა.
ამრიგად, სერიაში ანგარიში 3:3 გახდა. გადამწყვეტი მატჩი 16 მაისს "ფინიქსის" მოედანზე გაიმართება.
"მაიამი ჰიტი" "ფილადელფიას" ესტუმრა,
99:90 დაამარცხა, სერიაში ანგარიშით 4:2 გაიმარჯვა და აღმოსავლეთ კონფერენციის ფინალში გავიდა.
"ჰიტის" მხრიდან ჯიმი ბატლერმა აქტივში 32 ქულა, 8 მოხსნა, 4 შედეგიანი გადაცემა, 1 ჩაჭრა და 2 დაფარება ჩაიწერა.
მაქს შტრუსმა თავი 20 ქულას, 11 მოხსნასა და 5 შედეგიან გადაცემას მოუყარა.
მასპინძელთა შემადგენლობიდან ჯოელ ემბიდმა და ტაირის მაქსიმ თანაბარი, 20-20 ქულა მიითვალეს.
აღმოსავლეთ კონფერენციის ფინალში "მაიამის" მეტოქე "მილუოკისა" და "ბოსტონს" შორის გაირკვევა. მოქმედი ჩემპიონები "კელტებს" სერიაში 3:2-ს ამარცხებენ, ხვალ გამთენიისას კი საკუთარ მოედანზე უმასპინძლებენ და გამარჯვების შემთხვევაში ფინალის საგზურსაც მოიპოვებენ.
![დონჩიჩისა და იოკიჩის შოუ ირვინგმა მოიპარა - გამთამაშებლის საოცარი ტყორცნა და ბოლო წამზე მოგებული მატჩი [VIDEO]](/pictures/image7/c96f525ed467e0c3e212806e0139e5b2.jpg "დონჩიჩისა და იოკიჩის შოუ ირვინგმა მოიპარა - გამთამაშებლის საოცარი ტყორცნა და ბოლო წამზე მოგებული მატჩი [VIDEO]")
![ლუკას 43 ქულა საკმარისი არ აღმოჩნდა, "კლიპერსს" ლეონარდმა ულიდერა [VIDEO]](/pictures/image7/ba7e32ae33e99227aa7795eaad11b02b.png "ლუკას 43 ქულა საკმარისი არ აღმოჩნდა, \"კლიპერსს\" ლეონარდმა ულიდერა [VIDEO]")
![საოცარი ლუკა დონჩიჩი - 60 ქულა, 21 მოხსნა, 10 შედეგიანი პასი და შოუ "ნიუ იორკის" წინააღმდეგ [VIDEO]](/pictures/image7/8a0c833240a757254f38506f8f19fb61.jpg "საოცარი ლუკა დონჩიჩი - 60 ქულა, 21 მოხსნა, 10 შედეგიანი პასი და შოუ \"ნიუ იორკის\" წინააღმდეგ [VIDEO]")
![ლუკას საოცარი მატჩი - 50 ქულა და 10 ასისტი [VIDEO]](/pictures/image7/4bd16df7d8208efa3929d77bd9ad49aa.jpg "ლუკას საოცარი მატჩი - 50 ქულა და 10 ასისტი [VIDEO]")
![ლუკას ისტორიული მაჩვენებელი და გამარჯვება "გოლდენ სტეიტთან" [VIDEO]](/pictures/image7/678a87897c9e8e48df3b139c02c336c3.jpg "ლუკას ისტორიული მაჩვენებელი და გამარჯვება \"გოლდენ სტეიტთან\" [VIDEO]")
