"საქართველო 2005"-მა ევროპის ლიგა მოსკოვის "დინამოსა" და "ზენიტის" ძლევით დაიწყო

AutoSharing Option
ევროპის ახალგაზრდულ ლიგაში შედეგიანად ჩაერთო საქართველოს კალათბურთის ეროვნული ფედერაციის პროგრამის მონაწილე გუნდი “საქართველო 2005”. ირაკლი ტომარაძის მიერ გაწვრთნილი 15-წლამდელთა გუნდი ქართული კლუბების მოთამაშებისგან გახლავთ დაკომპლექტებული და მისი მიზანი პერსპექტიული კალათბურთელებისთვის საერთაშორისო გამოცდილების მიცემა და ასაკობრივი ნაკრებებისთვის კადრების მომზადება გახლავთ.

ლატვიის დედაქალაქ რიგაში მიმდინარე ევროპის 15-წლამდელთა ლიგაში “საქართველო 2005”-მა 18 ოქტომბერს 2 შეხვედრა გამართა და ორივეში იმარჯვა. ქართველებმა ორივე შემთხვევაში რუსული კლუბები დაამარცხეს. პირველ მატჩში ჩვენებმა მოსკოვის დინამოს 59:40 სძლიეს, რის შემდეგაც სანკტ პეტერბურგის “ზენიტს” დაუპირისპირდნენ და კვლავ დამაჯერებელი გამარჯვება მოიპოვეს
– 76:52.

საქართველო 2005 მორიგ შეხვედრებს 19 ოქტომბერს გამართავს: ირაკლი ტომარაძის გუნდი კვლავ რუსულ გუნდებს – პერმის “ოლიმპიეცს” და მოსკოვის ცსკა-ს დაუპირსპირდება.

მომზადებულია GBF.GE-ს მიხედვით
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული