"საქართველო 2006" ევროპის ლიგაში რუსული გუნდის ძლევით ჩაერთო

ევროპის ახალგაზრდულ ლიგაში საასპარეზოდ გაემგზავრა “საქართველო 2006”. ეს გახლავთ 14-წლამდელთა ჩემპიონატში მოასპარეზე პერსპექტიული მოთამაშეებისგან დაკომპლექტებული გუნდი, რომელიც კალათბურთის ეროვნული ფედერაციის პროგრამის ფარგლებში საერთაშორისო გამოცდილების მისაღებად საერთაშორისო ტურნირში მონაწილეობს.

18-20 ოქტომბერს “საქართველო 2005” ევროპის 15-წლამდელთა ლიგაში ასპარეზობდა, დღეიდან კი ესტონეთის დედაქალაქ ტალინში სტარტი აიღო 14-წლამდელთა ტურნირმა. პირველი წრის ფარგლებში “საქართველო 2006” ტალინში 5 მატჩს გამართავს. ირაკლი ჩერქეზიშვილის გაწვრთნილმა გუნდმა პირველი მატჩი უკვე ჩაატარა. ქართველებმა სანკტ-პეტერბურგის “ცენტრალნაია” 85:28 გაანადგურეს. ჩვენს გუნდში 17 ქულით და 7 მოხსნით ბომბარდირი გახდა ნიკოლოზ აბულაძე. 15 ქულით, 12 მოხსნი, 6 პასითა და 4 ჩაჭრით ყველაზე შედეგიანი იყო გოგიტა ბუკია. 13 ქულით და 7 მოხსნით დაასრულა შეხვედრა ლუკა ისაკაძემ.

საქართველო 2006 დღეს კიდევ ერთ მატჩს გამართავს. პირველი წრის დარჩენილი მატჩების სრული კალენდარი კი ასე გამოიყურება:

25 ოქტომბერი, 18:00 – ადმირალტეისკაია (რუსეთი) v საქართველო 2006
26 ოქტომბერი, 12:30 – საქართველო 2006 v გლორია (რუსეთი)
26 ოქტომბერი, 18:00 – სპარსი (ლატვია) v საქართველო 2006
27 ოქტომბერი, 12:30 – საქართველო 2006 v ტტუ (ესტონეთი)

“საქართველო 2006” ტალინში შემდეგი შემადგენლობით გაემგზავრა:

ლუკა კოტლიარევსკი, ნიკოლოზ ფუტურიძე, ბექა მაჭავარიანი, ლუკა ახვლედიანი, გურამ ცხადაძე, ალექსანდრე მგელაძე, ნიკოლოზ აბულაძე, ლუკა ისაკაძე, ლუკა მუჯირიშვილი, გოგიტა ბუკია, ნიკოლოზ ბერძენიშვილი, ლუკა ბარბაქაძე.

მთავარი მწვრთნელი: ირაკლი ჩერქეზიშვილი