ირაკლი ჩერქეზიშვილის გაწვრთნილმა თბილისის საკალათბურთო კლუბმა "ჰიუნდაიმ" ევროპის ახალგაზრდული ლიგის "EYBL U17" პირველ ტურში გამართული ხუთი შეხვედრიდან ზედიზედ სამი დამაჯერებელი გამარჯვებითა და უპირატესობით დაასრულა."ჰიუნდაიმ" ლატვიურ BS RIGA-ს ანგარიშით 80:40 სძლია. 17-17 ქულით ბომბარდირები გუკა ცხადაძე და ნიკოლოზ ფუთურიძე გახდნენ. გარდა ამისა, გუკა ცხადაძემ 8 შედეგიანი გადაცემა შეასრულა და 7 მოხსნა დააგროვა.
![Sportall.Ge](/pictures/artimages/original/f6d4751a49bdec4e7b48ff4febfbfaa6.png "საკალათბურთო კლუბმა "ჰიუნდაიმ" ევროპის ახალგაზრდული ლიგის ტურნირი წარმატებით დაიწყო")
"ჰიუნდაიმ" ასევე დიდი სხვაობით, ანგარიშით 72:34 მოუგო ესტონურ გუნდს BA KALEV-ს. ამჯერად, მატჩის გამორჩეული მოთამაშეები გახდნენ ლუკა სავანელი, რომელმაც 18 ქულა დააგროვა, თემუკა ესიაშვილი, რომლის ანგარიშზეც იყო 16
ამასთან ერთად, "ჰიუნდაიმ" ფინური TOPO-06 ანგარიშით 52:41 დაამარცხა. აღნიშნული შეხვედრის ბომბარდირი კვლავ გუკა ცხადაძე გახდა. ქართველი კალათბურთელის ანგარიშზეა 26 ქულა, 3 მოხსნა და 3 შედეგიანი გადაცემა.
![Sportall.Ge](/pictures/artimages/original/c90b248bdc6d21ad3f9953fe0071c421.png "საკალათბურთო კლუბმა "ჰიუნდაიმ" ევროპის ახალგაზრდული ლიგის ტურნირი წარმატებით დაიწყო")
ტურნირის დასკვნით დღეს "ჰიუნდაი" ტრავმების გამო თამაშზე შემცირებული განაცხადით წარდგა, რის გამოც ბოლო შეხვედრა დათმო.
ევროპის ახალგაზრდული ტურნირის, All Star-ის ხუთეულში გუკა ცხადაძე დასახელდა, ხოლო გუნდის MVP ნიკოლოზ ფუთურიძე გახდა.
ცნობისთვის, "ჰიუნდაი" მეორე წრისთვის მზადებას იწყებს. ქართულ გუნდს წინ კიდევ 2 ტური და 10 თამაში ელოდება, რომელიც 2023 წლის 5-8 იანვარს ესტონეთში, ხოლო დასკვნითი ტური 9-12 მარტს ლატვიაში გაიმართება, სადაც გუნდი პლეი-ოფის საგზურისთვის იბრძოლებს.
(R)
