საქართველოს თასის გათამაშების ოთხივე ნახევარფინალისტი ცნობილია. უფრო ზუსტად, ეს გახლავთ ოთხთა ფინალი, რომელიც 2 დღეში ჩაეტევა და გამოავლენს თასის მფლობელს. 15 აპრილს გაიმართება ნახევარფინალები, ხოლო მეორე დღეს, გამარჯვებულები ტიტულისთვის ფინალში შეხვდებიან.გუშინ გამოვლენის ერთ ნახევარფინალურ წყვილს დღეს მეორეც დაემატა. 2 მატჩიდან 1 ძალიან დაძაბული გამოდგა, მეორე კი დიამეტრულად განსხვავებული – დაძაბულობისგან დაცლილი. ეს გახლდათ თსუ-სა და ზესტაფონის მარგვეთის მეოთხედფინალური სერიის მეორე შეხვედრა. პირველი ზესტაფონში თებერვლის დასაწყისში გაიმართა და თსუ-ს 22-ქულიანი უპირატესობით დასრულდა. ზესტაფონელებს 23 ქულით მოგება სჭირდებოდათ, მაგრამ ამას რომ
თსუ პირველივე წუთებზე დაწინაურდა და შეხვედრა საბოლოოდ 118:87 მოიგო. ეს იყო მატჩი, რომელშიც დაცვა ფაქტობრივად არ იყო. გუნდები სროლებში, სწრაფ და ეფექტურ შეტევებში ეჯიბრებოდნენ ერთმანეთს. ანგარიში თითქოს არავის აინტერესებდა. ორივე გუნდი შეგუებული იყო საბოლოო შედეგს, რომლის მიხედვითაც თასის მოქმედი მფლობელი თსუ შემდეგ ეტაპზე უნდა გასულიყო.
თსუ-მ 17 სამქულიანი ჩააგდო, საიდანაც 6 ნიკა ლეონიძეზე მოდის. ბომბარდირი ტრევონტე ტომასი გახდა 27 ქულით, ხოლო საუკეთესო შედეგი გლენ აბრამმა დააფიქსირა – 19 ქულა და 12 პასი. ზესტაფონის გუნდში 20 ქულით დემეტრიუს ლეიკი გამოირჩა, 18 ქულა 19 წლის თემურ კაპანაძემ მიითვალა.
აი, რაც შეეხება გურჯაანში გამართულ მატჩს, ფაქტობრივად სამკვდრო-სასიცოცხლო ბრძოლა გაჩაღდა. ბათუმს სერიის პირველი მატჩში აჭარაში 2 ქულით ჰქონდა მოგებული და გურჯაანული მატჩის ძირითადი დრო რომ სრულდებოდა, სხვაობა კვლავ 2 ქულა იყო, ოღონდ მასპინძლების სასარგებლოდ. თამაშის დასრულებამდე 8 წამი რჩებოდა, ბათუმელი ლუკა კალატოზიშვილი საჯარიმოს ხაზზე იდგა და პირველი რომ ჩააგდო, სტუმრები მასპინძლებს 85:87 მიუახლოვდნენ. მეორე საჯარიმო ლუკას აუცდა და 2-ქულიანი სხვაობა ძალაში დარჩა. 8 წამში საფინალო სირენაც გაისმა, მაგრამ თამაში დამატებით 5-წუთეულში გადავიდა, რადგან 2 მატჩის ჯამში ფრე – 168:168 დაფიქსირდა.
ოვერტაიმში მასპინძლებმა ბათუმი გატეხეს – ხუთწუთეული 17:6 მოიგეს და საბოლოო ანგარიშიც დაფიქსირდა – 104:91 (სტატისტიკა). ოთხთა ფინალში დელტა გავიდა და ნახევარფინალში თსუ-ს დაუპირისპირდება.
GBF
