რუმინეთის დამარცხების შემდეგ "ბორჯღალოსნები" რეიტინგში დაწინაურდნენ

მსოფლიოს რაგბის საიტმა ნაკრებების ახალი რეიტინგი გამოაქვეყნა და "ბორჯღალოსნები", რომლებმაც სტუმრად რუმინეთი 18:9 დაამარცხეს, ერთი ადგილით დაწინაურდნენ.

პირველ ათეულში ცვლილებები არ მომხდარა, სამაგიეროდ მოხდა მეორე ათეულში: ახლა ჩვენს ნაკრებს 73.93 ქულა აქვს, აშშ-ს გადაასწრო და მე-12 ადგილზეა.

"ბორჯღალოსნების" საუკეთესო შედეგი მე-11 პოზიციაა, რომელიც ამჟამად იაპონიას უკავია. ამომავალი მზის ქვეყნელები ჩვენს გუნდს 1.31 ქულით უსწრებენ.

რუსეთის ძლევის შემდეგ მე-20 პოზიციაზე ესპანეთი დამკვიდრდა.

რაც შეეხება მესამე ათეულს, ბელგიამ გერმანიას სძლია და 23-ე ადგილზეა, ხოლო ბრაზილიამ კანადას მოუგო და 26-ე ადგილზე გადავიდა, რაც ამ

გუნდის რეკორდია.

1. ახალი ზელანდია 92.54

2. ირლანდია 89.92

3. ინგლისი 88.02

4. უელსი 87.55

5. სამხრეთ აფრიკა 84.58

6. ავსტრალია 82.40

7. შოტლანდია 81.30