რაგბი

ეროვნული ნაკრები

rugger.info. რუსეთი - საქართველო. მილტონ ჰეიგის დევიზი: ყველანი თამაშობენ, ჩვენ ვვარჯიშობთ!

AutoSharing Option
17 მარტს, რაგბი ევროპის უკანასკნელ ტურში საქართველოს ნაკრები, რომელიც 1 ტურით ადრე ჩემპიონი გახდა, კრასნოდარში რუსეთის ეროვნულ გუნდს შეხვდება. ამ თამაშს წინასამატჩო წერილი rugger.info-მ მიუძღვნა.

"ტურნირის მთავარი ნაკლი იმაში მდგომარეობს, რომ გამარჯვებული შეიძლება ნაადრევად გამოვლინდეს. "ლელოელები" ამ შეხვედრაში გამარჯვებულის სტატუსით გამოვლენ, რაც უეჭველი აისახება თამაშზე. ამის გარეშეც მილტონ ჰეიგმა მიმდინარე ტურნირზე საჩვენებელი გამოსვლა დევიზით წარმართა:"ყველანი თამაშობენ, ჩვენ ვვარჯიშობთ".

აი, რაა საინტერესო - ამ დაპირისპირებაშიც ექსპერიმენტებს მიმართავს? ისე, რატომაც არა?

დიახ, რა თქმა უნდა, რუსეთის ნაკრები ბოლომდე იბრძოლებს. ერთი სიტყვით, კვირას
ლი ჯონსის შეგირდებისგან გმირობას ელიან - მრავალი წლის შემდეგ ქართველების ძლევას.

ისტორიული თვალსაზრისით ამის ნაკლები იმედი უნდა არსებობდეს: 22 მატჩიდან რუსებმა მხოლოდ ერთხელ იმარჯვეს. 1993 წლის 25 მაისს (15:9). კიდევ იყო ფრე 2002 წლის მარტში (12:12). ასე რომ, თუ საქართველოს ნაკრებს მოუგეს, ამას თამამად შეგვიძლია "გმირობა" ვუწოდოთ.

არსებობს თუ არა შანსი? დიახ, არსებობს. პირველ რიგში იმიტომ, რომ ქართველებს სატურნირო მოტივაცია არ გააჩნიათ. თუ მათთვის ეს შეხვედრა სასწავლო-სავარჯიშო კატეგორიისა იქნება, ბუნებრივია, შანსი იზრდება. რამდენად? სულ მალე ვიხილავთ".

ასევე დაგაინტერესებთ