17 მარტს კრასნოდარში, რაგბი ევროპის ჩემპიონატის მეხუთე ტურის მატჩში ერთმანეთს რუსეთისა და საქართველოს ნაკრებები შეხვდებიან.
"დათვებისა" და "ბორჯღალოსნების" ურთიერთშეხვედრების ისტორია 1993 წლიდან იღებს სათავეს, როდესაც გდანსკში მსოფლიო თასის შესარჩევი ეტაპის მატჩში რუსეთის ნაკრებმა 15:9 გაიმარჯვა.
26-წლიანი დაპირისპირების მანძილზე ეს რუსეთის ნაკრების ერთადერთი გამარჯვება აღმოჩნდა. მას შემდეგ "ბორჯღალოსნებმა" რუსეთთან 20 შეხვედრა მოიგეს, ერთადერთი გამონაკლისი კი 2002 წლის 3 მარტს თბილისში ფრედ დასრულებული შეხვედრა გახდა (12:12).
სტატისტიკურად ურთიერთშეხვედრების ისტორია ასე გამოიყურება:
- საქართველო - რუსეთი: 20-1-1, ქულები 557-254
"დათვებისა" და "ბორჯღალოსნების" ჯახებს უჩხუბოდაც არ
ჩაუვლია. ერთ-ერთი ასეთი ინციდენტი 2008 წლის 12 აპრილს, ციმბირში, კრასნოიარსკში ევროპის ერთა თასის ფარგლებში გამართულ მატჩში მოხდა, როდესაც საქართველომ მეტოქეს 18:12 სძლია.
კიდევ ერთი ხელჩართული დაპირისპირება რუს მორაგბეებთან "ბორჯღალოსნებს" 2016 წლის 12 მარტს სოჭში მოუვიდათ, როდესაც ევროპის ჩემპიონატის მატჩში საქართველომ რუსეთს 24:7 სძლია.
შეგახსენებთ, რომ 17 მარტს გასამართი შეხვედრა ჩვენი დროით 16:00 საათზე დაიწყება. შეხვედრის ხილვა "პირველ არხზე" შეგეძლებათ.
rugger.info. რუსეთი - საქართველო. მილტონ ჰეიგის დევიზი: ყველანი თამაშობენ, ჩვენ ვვარჯიშობთ!
ყველაფერი რაც რუსეთთან მატჩამდე უნდა იცოდეთ - პრინციპული შეხვედრის წინ
საქმე სახუმაროდ არ გვაქვს - რას წერს რუსეთის რაგბის ფედერაცია "ბორჯღალოსნებთან" მატჩის წინ
ეს მხოლოდ სპორტული დაპირისპირება არაა - "ბორჯღალოსნები" რუსეთთან მატჩისთვის ემზადებიან
