4 მაისს, საქართველოს 20 წლამდე მორაგბეთა ნაკრები მსოფლიოს ჩემპიონატის პირველი მატჩის პირველ ტაიმში ახალ ზელანდიასთან 6:19 დამარცხდა.
ამ მატჩს ქართველი გულშემატკივარი მოუთმენლად ელოდა და ემოციურად შესრულებული ჰიმნების შემდეგ თამაშიც დაიწყო. მრისხანე მეტოქის პირველი შეტევის მოგერიების შემდეგ ჩვენმა გუნდმა იქით მიიტანა იერიში. თან, საქართველოს ნაკრები მშვიდად და თვითდაჯერებულად მოქმედებდა და მე-7 წუთზე თედო აბჟანდაძემ საჯარიმოდან ანგარიში გახსნა. ვერაფერს იტყვი, დასაწყისი არ გახლდათ ურიგო.
მე-10 წუთზე ახალზელანდიელები რიცხობრივ უმცირესობაში დარჩნენ და სამწუხაროდ, დაშვებულ შეცდომას მოწინააღმდეგის სწრაფი კონტრიერიში და ლელო მოჰყვა გარდასახვასთან ერთად.
მე-17 წუთზე ვიზავიმ კიდევ ერთი ლელო დადო, გარდასახვა კი ვერ გამოიყენა და 9 ქულით გაიჭრა წინ.
24-ე წუთზე საქართველოს ნაკრები, მრავალფაზიანი შეტევის შემდეგ ძალიან ახლოს იყო ლელოსთან, თუმცა მოწინაღმდეგემ თავის დაცვა მოახერხა. 27-ე წუთზე აბჟანდაძემ საჯარიმოდან ანგარიში შეამცირა.
36-ე წუთზე ახალმა ზელანდიამ მესამე ლელო გაიტანა, გარდასახვაც ზუსტად შეასრულა, ბოლოს თაფლაძემ ლელოს დადება ვერ შეძლო და პირველი ტაიმი 6:19 წავაგეთ.
![U20. ლელოები და მარცხი ახალ ზელანდიასთან - საქართველომ მსოფლიო თასზე სარეკორდო მერვე ადგილი დაიკავა [VIDEO]](/pictures/image7/89ed3cf37cd756668cd704fe830dd6d7.jpg "U20. ლელოები და მარცხი ახალ ზელანდიასთან - საქართველომ მსოფლიო თასზე სარეკორდო მერვე ადგილი დაიკავა [VIDEO]")
