მსოფლიო რაგბის ორგანიზაციამ საქართველოსა და საქართველოში რაგბის განვითარების შესახებ სპეციალურად გადაღებული ფილმის მეორე ნაწილი გამოაქვეყნა.
ფილმში მოცემულია ინტერვიუ საქართველოს ნაკრების ახალზელანდიელ მთავარ მწვრთნელ მილტონ ჰეიგთან, საქართველოს ნაკრების კაპიტანთან, მსოფლიო რაგბის მაღალჩინოსანთან. ასევე, სხვადასხვა ეპიზოდი "ბორჯღალოსნების" ისტორიიდან.
მალე საქართველოს ეროვნულ ნაკრებს ტესტ-მატჩები ელის. "ბორჯღალოსნები" ორ შეხვედრას ჩაატარებენ საქართველოში.
საქართველოს რაგბის გუნდი 27 აგვისტოს მიხეილ მესხის სახელობის სტადიონზე სამხრეთაფრიკულ "საუზერნ კინგსს" შეხვდება, შემდეგ კი, 31 აგვისტოს, შოტლანდიის ნაკრებს "დინამო არენაზე" უმასპინძლებს. მოსამზადებელ ეტაპზე ბოლო შეხვედრას ქართველი მორაგბეები ისევ შოტლანდიელებთან გამართავენ, ოღონდ ამჯერად - შოტლანდიაში.
World Rugby-მ საქართველოს შესახებ დოკუმენტური ფილმი გამოაქვეყნა [VIDEO]
