საქართველოს მორაგბეთა ნაკრები სრულიად მოიშალა და ფიჯისთან დიდი ანგარიშით წააგო [VIDEO]

რამდენი ტკივილი და რამდენი გულისწუხილია გამოხატული კომენტარებში. 163 კომენტარი წავიკითხე, ზოგი თავშეკავებული და სამართლიანი, ზოგიც ემოციური და ჭეშმარიტი სიყვარულით გამსჭვალული. რაღა უნდა დავწერო ამდენის შემდეგ-მეთქი ვიფიქრე, მაგრამ თქვენის ნებით მეც მინდა ერთი-ორი სიტყვით მოგახსენოთ ჩემი მოსაზრება, თუ რა თქმა უნდა ნებას მომცემთ.
საქართველოს 20 წლამდელთა ნაკრებმა ბევრი ღირშესანიშნავი მატჩები მოიგეს ( არგენტინა, შოტლანდია, ირლანდია, იაპონია, ფიჯი), მოიგეს ზუსტად იმ თანამედროვე რაგბის ხარჯზე, როგორიც ჩვენ ასე ძალიან გვიყვარს და ასე ძალიან შევნატრით. რაგბში შემთხვევითობები თითქმის არ ხდება და თუ ხდება, ძალზედ იშვიათად. მათ დაამტკიცეს, რომ ტოლ-სწორად შეუძლიათ თამაში ნებისმიერ ნაკრებთან. ზუსტად იმ პარამეტრების და იმ გამართული თამაშის შედეგია, რასაც ჩვენმა ახალგაზრდებმა მიაღწიეს. ძალისმიერი და ზანტი რაგბი უკვე წარსულია, თანამედროვე რაგბის მოთამაშეები ტანისა და კომპლექციის მიხედვით დიდათ არ განსხვავდებიან ერთმანეთისაგან, სანამ მათ ნომერს არ შეხედავთ მაისურის უკანა მხარეს, ვერც კი გაარჩევ წინა ხაზელია თუ უკანა. დაძარღვული "ხვლიკებივით" დაძვრებიან ყველგან და "ძვრებიან" შეუსვლელ ხვრელებში. მათ არ ჭირდებათ ( და თავსაც არ იკლავენ) ფიზიკური და ძალისმიერი თამაშის ხარჯზე ხაზის გაჭრა. ყველაფერი სისწრაფეზე და სწორ ტაქტიკაზეა აგებული. განა სპილო შეძლებს მანგუსტის დაჭერას? ვერა რა თქმა უნდა. პირველი და მეორე დონის გუნდები, თითქმის ყველა თამაშობს ხელდახელ რაგბს ( ვის როგორ გამოდის ვიცით), სადაც პრიორიტეტი ენიჭება სისწრაფეს. გამომდინარე აქედან, ეს ფორმაციის ნაკრები ( ბორჯღალოსნები), ვერ აკმაყოფილებენ ამ მოთხოვნებს და პარამეტრებს. რეგრესი? არა ძმებო, ჩვენ ვთამაშობთ ისევ იმ რაგბს, რასაც ვთამაშობდით ადრე, უბრალოდ სხვები განვითარდნენ, რაგბი შეიცვალა და უფრო სხვა დონეზე გადავიდა. იმ მოლსაც,რომ ვაგებთ და შერკინებასაც ეგეც ძველი მოდის ბრალია. სხვა გუნდები მაგასაც ანვითარებენ და მაგიტომაცაა დომინანტები, რომ აღარ ვართ. ჩაბარდა წარსულს, როცა მიწოლით იგებდნენ პირველი დონის გუნდები. ამიტომაც იყო, რომ უჭირდათ ჩვენთან თამაში. ჯანი და ღონე ქართველებს სულ ქონდათ და სულ ექნებათ, ეს გენეტიკურია, რომელიც ღმერთმა გვიბოძა. რა? ჩვენმა 20 წლამდელებმა შერკინებაში არ დაჯაბნეს ყველა თუ რა? რა პრობლემაა იყო ძლერი და ამასთან ერთად სწრაფიც? არანაირი. ჩვენ ჰო, ჩვენი თვალებით ვნახეთ ეს ყველაფერი. რამდენი თაობები გამოვიცვალეთ გულშემატკივრებმა? 30 წელია ვუყურებ რაგბის და ვხედავ როგორ გეომეტრიული პროგრესიასავით ვითარდება. ამას თუ არ ავყევით, ძალიან სავალალო შედეგებამდე მივალთ. მახსოვს როგორ უგებდა რუმინეთი საფრანგეთს და რა დაემართა რუმინეთს ყველამ კარგად ვიცით. ასე, რომ დიდი მადლობა ჩვენ ბებერ ლომებს, გავაცილოთ ვაჯკაცურად და გზა მივცეთ ახალგაზრდა ლომებს. რომლებიც, აუცილებლად დაამტკიცებენ, რომ გარდა ჯანისა და ღონისა არის კიდევ სისწრაფე და სპორტისადმი პროფესიონალური მიდგომა. დადგება ის დღე, როდესაც, სიმწრისგან კი არ მოგვადგება "ბურთი" ყელში, არამედ სიამაყისგან აგვევსება, ვაჯკაცებს თვალები ცრემლით.

ძალიან ჩქარა რომ ირბინონ, წვერები გასცვივდებათ