რაგბი

ეროვნული ნაკრები

15:25 03-10-2019

მილტონ ჰეიგი: თუ ეს გვინდა... ავსტრალიასთან უნდა მოვიგოთ

AutoSharing Option Yes No

საქართველოს ნაკრების მთავარმა მწვრთნელმა მილტონ ჰეიგმა ფიჯისთან (14:45) განცდილი მარცხის შემდეგ პრესკონფერენციაზე ჟურნალისტების შეკითხვებს უპასუხა.

"პირველ ტაიმში საკმაოდ თანაბარი თამაში იყო. როგორც მატჩის წინ ვთქვი, როცა ფიჯის შენს ზურგს უკან გაუშვებ და პასების გაკეთების საშუალებას მისცემ, მათ წინააღმდეგ თავდაცვა ძალიან რთული ხდება.

ხაზის გაჭრისას ყოველთვის ჰყავდათ დამხმარე მოთამაშე ახლოს, ისე, როგორც შვიდკაცაში ხდება. კარგად ვიცოდით, რასაც გააკეთებდნენ და სანამ თავს კარგად ვიცავდით პირველ ტაიმში, ყველაფერი ნორმალურად იყო. ხოლო მეორე ტაიმის ბოლო 30 წუთის განმავლობაში კი ამის გაკეთება საკმარისად კარგად ვეღარ

შევძელით.

რომ მცოდნოდა, შერკინებაში ამდენჯერ დავჯარიმდებოდით, გამოვასწორებდით ამ საკითხს. შერკინება ბნელი ხელოვნებაა, მხოლოდ მისმა მონაწილეებმა იციან, რა ხდება და გრემ როუნთრის უნდა ვესაუბრო და გავარჩიოთ, რა მოხდა.

ერთ-ერთი ჩვენი მორკინალი ვერ ახერხებდა წინ წასვლას. ექიმების მიხედვით, მას ფეხის ტრავმა აქვს და ყველაფერი უნდა ვნახოთ და ავსტრალიასთან შეხვედრაში გამოვასწოროთ პრობლემა.

პირველ ტაიმში ფიჯელი მორაგბის მაღალმა ბოჭვამ თოდუაზე ყველაფერი შეცვალა. პირველ ნახევარში ეს მომენტი ყველაზე მნიშვნელოვანი იყო. ის ფიჯელი ბოლო მცველი გახლდათ. შეგვეძლო 5 ან 7 ქულა მოგვეპოვებინა, თუმცა არ ვთვლი, რომ შეხვედრაზე ამ ეპიზოდმა რაიმე ზეგავლენა მოახდინა. ჩვენ 1 ლელო დავდეთ, მათ - 7, ასე რომ...

ავსტრალიასთან თამაშს რაც შეეხება, თუ ავტომატურად გვინდა მსოფლიო თასზე მოხვედრა, ეს თამაში უნდა მოვიგოთ. ბიჭებს გასახდელში ვუთხარი, დიახ, ჩვენ გულდაწყვეტილები ვართ და გვჭირდება კიდეც ეს, რადგან ეს არ იყო ის შეხვედრა, რაც საქართველოში მყოფი ჩვენი ოჯახებისთვის, მეგობრებისთვისა და გულშემატკივრებისთვის უნდა გვეთამაშა. თუმცა, რეალობა ის არის, რომ აღარ აქვს მნიშვნელობა, რა ვერ გავაკეთეთ; მნიშვნელოვანია ის, რა უნდა გავაკეთოთ.

ჩვენ წინ 8 დღე გვაქვს, მაგრამ დარწმუნებულნი უნდა ვიყოთ, რომ დღეს უნდა ვიყოთ იმედგაცრუებულები, თუმცა ხვალ კი დავუბრუნდეთ სამუშაოს, ვნახოთ, რა გვაქვს გამოსასწორებელი და ისე შევუტიოთ ავსტრალიას.

ვერ ვიტყვი, რომ მომზადებისათვის 3 დღე ცოტა იყო. როცა ასეთ ტურნირზე მოდიხარ, მოწინააღმდეგის წინააღმდეგ გაცილებით ადრე იწყებ მზადებას. კარგად ვიცნობდით მათ მოთამაშეებს, ვეთამაშეთ კიდეც ბოლო წლების განმავლობაში. ასე რომ, გეგმის მომზადება პრობლემა არაა, მთავარი მისი განხორციელება გახლავთ.

ვისაუბრე კიდეც, რომ ურუგვაისთან წაგებამ ფიჯელებს მოტივაცია შემატა. თუმცა, არა მგონია, პირველი ტაიმის შემდეგაც ამ მოტივაციას ემუშავა. მეორე ნახევარში კრიტიკული შეცდომები დავუშვით, რაც მათი ქულებით დასრულდა. გახსნილ თამაშში ისინი მსოფლიოში საუკეთესოები არიან და ლელოების დადებაც არ უჭირთ".

alt საქართველოს მორაგბეთა ნაკრები სრულიად მოიშალა და ფიჯისთან დიდი ანგარიშით წააგო [VIDEO]

alt მერაბ შარიქაძე: ბოდიში, რომ ვერ გაგახარეთ...

alt ფიჯელთა კაპიტნის კომენტარი საქართველოს დამარცხების შემდეგ

ტეგები:

მილტონ ჰეიგი

საქართველოს რაგბის ნაკრები

ავტორი : ხვიჩა ყაზაიშვილი

შეაფასეთ სტატია:

მკითხველის კომენტარები / 76 /

თარიღის მიხედვით

მოწონებების მიხედვით

მეგობრებო, თუ ამ მოსაზრებაში მეთანხმებით. დამილაიქეთ!( იქნებ ვინმემ გაითვალისწინოს!): მხოლოდ, შერკინების და ძალისმიერი თამაშის იმედად ყოფნა, უკვე ძალიან ძველი სკოლაა(1970-იანი წლების და ვხედავთ ყოველთვის არ ამართლებს)! ამას, ძირითად იარაღად იყენებენ დაბალი ეშელონის გუნდები. თუ გვინდა ქართული რაბი განვითარდეს, მთელი ძალისხმევა უნდა გადაიტანონ ხელის ტექნიკის და სისწრაფეების გამომუშავებაზე! ეს ამოცანა უნდა გახდეს მთავარი, როგორც ახალი მწვრთნელისთვის, ისე ბავშვთა რაგბიში! წინააღმდეგ შემთხვევაში, ჩვენი თამაში ეწინააღმდეგება, რაგბის განვითარებას და უკანდახევა გარდაუვალია! ბავშვთა რაგბიში უნდა შეირჩეს მოზარდები სწრაფი აზროვნების და კოორდინაციის მიხედვითაც! მადლობა!

daTo

გამოხმაურება

03 ოქტომბერი 2019 16:19

სვანიძეც და ჰეიგიც უნდა წავიდნენ, ნუ ჰეიგი უკე მიდის. თუ უკეთეს პირს ვერ იპოვიან ფედერაცია ისევ ნიჟარაძეს ჩააბარონ, მაგ კაცმა დააყენა ქართული რაგბი ფეხზე და კიდევ ბევრ კარგს მოუტანს ჩემპიონატსაც და ნაკრებსაც.

სვანიძე და ჰეიგი OUT

გამოხმაურება

03 ოქტომბერი 2019 22:45

სრულად ჰეიგის პასუხისმგებლობაა დღევანდელი შედეგი. ფეხით გადაკიდების ტაქტიკა არის სრული იდიოტიზმი ფიჯისთან, ტიპები მართლა დაფრინავენ, ჩვენ კი როგორც კი ბურთ ვიღებდით ეგრევე ვაბარებდით უკან. ასევე შემადგენლობა, ვილაჩავამ ორივე თამაშში ლელო დადო არ შემოიყვანა სანამ აზრი აღარ ჰქონდა, იგივიე აფრასიძეზე, იგივე ჯაბა. რეგვაძე ერთი თავით ჯობია მამუკაშვილს, გეგონება პირველ ტაიმში სპეციალურად სუსტ შემადგენლობას აყენებს. აბჟანდაძე საერთოდ შემადგენლობაში არ შეიყვანა, მათიაშვილი თხუთმეტზე დააყენა და ტიპი ირემივით დარბოდა მთელი ტამაში. მოკლედ იმდენი შეცდომა კიდევ კარგად დამთავრდა ეს თამაში. მოკლედ რომ არა ჰეიგი ჩემი აზრით სულ სხვა თამაში იქნებოდა ტიპმა მაქსიმუმი გააკეთა ამ სედეგის დასადებად. გვინდა ახალი მწვრთნელი და ბიჭებს გვერდში დგომა, მათ მაქსიმუმი გააკეთეს ამ ტაქტიკიტ და შემადგენლობით რაც შეიძლებოდა.

მე

გამოხმაურება

03 ოქტომბერი 2019 17:48

ამისთვის იღებდა ეს 4 წელი ეს კაცი ხელფას? რამდენჯერ ვეთამაშეთ ეს 4 წელი ძლიერ მეტოქეებს და რა შედეგი გვქონდა? დღეს რო განადგურა ფიჯიმ ეს ვითომ 6 ერისთვის გამზადებული ნაკრები,კი ვნახეთ სად ვართ.

გოგა

გამოხმაურება

03 ოქტომბერი 2019 19:51

მანდ ვიყავით და მანდვე ვიქნებით კაი ხანი, სანამ საკლუბო დონე არ აიწევს

ფაფუ

03 ოქტომბერი 2019 23:05

ყველა კომენტარი წავიკითხე და იგივეს ვფიქრობ მწვრთნელზე რასაც უმრავლესობა. არ მინდა უმადური გამოვიდე მაგრამ არასდროს მომწონდა ჰეიგის სამწვრთნელო უნარები. ის უძლიერესი მხარეები რაც ადრე ჰქონდა გუნდს შესუსტდა, სისუსტეები კი ვერ გაძლიერდა. სწორედ მსგავს გუნდებთან უნდა გამოჩნდეს გუნდის პროგრესი, მან კი ყველაზე პრინციპული თამაშები დათმო იაპონიასთან 2-ჯერ, იტალიასთან, შოტლანდიასთან 2-ჯერ, ფიჯისთან 2-ჯერ. ამ შედეგზე ფედერაციასაც აქვს თავისი პასუხისმგევლობის დიდი წილი.

ლაშა

04 ოქტომბერი 2019 12:38

ეს კაცი ვერაა კარგად.

Buxrika

გამოხმაურება

03 ოქტომბერი 2019 18:03

კიდევაც დაიზრდებიან ალგეთს ლეკვები მგლისანი მარა თუ სწორი გზა არ მიეცი მგლური კანონებით ვერ წავლენ წინ ამიტომ შერკინებაში ქართველი მწვრთნელი რო გვყავდა სულ ძლიერი ვიყავით და საერტოდაც ამ ეტაპზე ილია მაისურაძის დანიშვნა კარგი იქნებოდა იმიტომ რომ იმ თაობამ გრანდებს მოუგო

civi

გამოხმაურება

03 ოქტომბერი 2019 16:40

კარგი რა მელიტონ... პირველ ტაიმში გამოჩნდა შერკინების პრობლემა,ხოდა გამოგეცვალა თუ ვინმეს ფეხი სტკიოდა. შერკინებაში და მოლში ასე რამ დაგვაკნინა??? ჩემი აზრია, რომ არც შემადგენლობა იყო ოპტიმალური, არც ცვლილებები განხორციელდა დროულად და არც ტაქტიკურად ვითამაშეთ სწორად. გაუგებარია ბურთის ამდენი უაზროდ გადაკიდება და მოწინააღმდეგისთის ჩაბარება, თან ვისთან... როგორ შეიძლება რუმინეთს, რუსეთს, შოტლანდიას, უელსს, ურუგვაის და ფიჯის, ანუ ყველას, ერთი და იგივე ტაქტიკით ეთამაშო??? უელსმა პირველ ტაიმში დაგვიმთავრა, ფიჯიმ კიდევ პირველ ტაიმში მარტივად წაგვიკითხა.

ლადო

გამოხმაურება

03 ოქტომბერი 2019 16:03