რაგბის კავშირი: რუსეთთან მატჩი მაყურებლის გარეშე ჩატარდება

რაგბის კავშირმა რამდენიმე წუთის წინ ოფიციალური განცხადება გააკეთა რაგბის ევროპის ჩემპიონატის ფარგლებში რუსეთის ნაკრებთან მომავალი მატჩის შესახებ.

Sportall.ge აღნიშნულ ტექსტს უცვლელად გთავაზობთ:

"ძვირფასო მეგობრებო, ქვეყანაში შექმნილი ვითარებიდან გამომდინარე, ჩვენ ყოველდღიური კონსულტაციები გვაქვს როგორც საქართველოს მთავრობასთან, ასევე დაავადებათა კონტროლის ეროვნულ ცენტრთან.

არსებული მდგომარეობის გათვალისწინებით, მივიღეთ გადაწყვეტილება, რომ 14 მარტს, საქართველოსა და რუსეთის მატჩი გაიმართოს მაყურებლის გარეშე.

ყველამ, ვინც უკვე შეიძინეთ მატჩზე დასასწრები ბილეთები, გთხოვთ მიმართოთ TKT.GE-ს თანხის დასაბრუნებლად.

კიდევ ერთხელ გიხდით ბოდიშს შექმნილი მდგომარეობის გამო და დიდ მადლობას გულშემატკივრობისთვის." - წერია განცხადებაში.

რუსეთის ნაკრები თბილისში დანაკლისით და რუმინეთისა და ბელგიის შეთქმულების შიშით მოდის