Irish Times-ი რაგბის რეპორტიორ ჯონ ო'სალივანის სტატიას აქვეყნებს, რომელშიც ავტორი წერს, რომ კორონავირუსის პანდემიით გამოწვეული შეზღუდვების გამო 6 ერს საქართველო და ფიჯი დაემატებიან.
ავტორის მიხედვით, მსოფლიო რაგბი მიმდინარე კვირაში საბოლოო გადაწყვეტილებას მიიღებს ტესტ-მატჩების შესახებ და განსაზღვრავს 2020 წლის "6 ერის" კალენდარს, რომელიც არატრადიციული ფორმატით ჩატარდება და შეჯიბრებაში მონაწილეობას 8 ნაკრები გუნდი მიიღებს: ირლანდია, ინგლისი, შოტლანდია, უელსი, საფრანგეთი, იტალია, ფიჯი და საქართველო. მოსალოდნელია, რომ გათამაშება 5 დეკემბერს დასრულდება.
სტატიის მიხედვით, ბრიტანულ პრესაში, განსაკუთრებით, ინგლისურ მედიაში, ბევრი სპეკულაცია იყო იმის შესახებ, თუ
რომელი იქნებოდა ის ორი გუნდი, რომლებიც ტრადიციულ 6 ნაკრებს დაემატებოდნენ. განსაკუთრებით ბევრს წერდნენ იაპონიის ნაკრებზე, თუმცა კორონავირუსით გამოწვეული სამოგზაურო შეზღუდვების გამო მე-8 გუნდი საქართველო იქნება და არა იაპონია.
"ფიჯელი და ქართველი მორაგბეების უმრავლესობა საფრანგეთსა და ბრიტანეთში თამაშობს, რაც ამ ორი ნაკრების სამოგზაურო სტატისტიკას შეამცირებს. ამასთანავე, ტიერ 2 დონის გუნდების შეჯიბრებაში მონაწილეობა ამ ქვეყნებისთვის წინგადადგმული პოზიტიური ნაბიჯი იქნება.
2019 წლის რაგბი ევროპის ჩემპიონატზე საქართველოს ნაკრებმა ყველა თამაში მოიგო, მათ შორის რუმინეთისა და რუსეთის წინააღმდეგ. უკანასკნელი 10 შეჯიბრებიდან საქართველომ 9 ტურნირში გაიმარჯვა და პირდაპირ საუკეთესო ევროპულ შეჯიბრებაში მონაწილეობა თუ არა, პლეი-ოფის შანსი მაინც დაიმსახურა.
რეალურად თუ შევაფასებთ ვითარებას, ეს მალე არ მოხდება, თუმცა ეს შანსი მათთვის უდიდესი პლატფორმა იქნება, რათა 6 ერის გუნდების წინააღმდეგ დაამტკიცონ, რომ მომავალში ამ შეჯიბრებაში მონაწილეობას იმსახურებენ. თუ საქართველოს სურს ხმამაღალი განცხადების გაკეთება, თუ საით არის მათი რაგბი მიმართული, მაშინ ეს იდეალური პერიოდია ამის გასაკეთებლად." - წერს ავტორი.
რაგბის იტალიალი ლეგენდა: საქართველო "6 ერიდან" მაინც 1 წლის მერე გამოვარდება და აზრი?!
საქართველოს 6 ერში მიიწვევენ?! ინგლისის რაგბის ბოსისა და იტალიური გამოცემის პროგნოზი...
ისღა დაგვრჩენია, რომ დაველოდოთ მოვლენათა განვითარებას და დავტკბეთ ჩვენი ნაკრების წარმატებული გამოსვლით!
ოღონდ, თუ ეს მართალია, და ეს შანსი თუ ვერ გამოვიყენეთ და დავრჩით საპატიო ბოლო ადგილზე, სავარაუდოდ კაი ხნით დავემშვიდობებით 6 ერს.
შესაბამისად, არ ვიცი რა გვირჩევნია. ღირს ჩიტი ბრდღვნად ამ უმწვრთნელო ნაკრებში?