"ბორჯღალოსანთა" გამოცდილი კვაჭი ჯაბა ბრეგვაძე ამბობს, რომ გუნდი თამაშიდან თამაშამდე ვითარდება და თუ მსგავსი მაღალი დონის შეხვედრები ხშირი იქნება, შორს არაა დრო, როდესაც საქართველო ტიერ1-ის ქვეყნებთან გამარჯვებას იზეიმებს."შემოდგომის ერთა თასის" მეორე ტურში, უელსთან ჰლანეჰლიში გამართული მატჩი (0:18) მე-60 იყო 33 წლის მორაგბისთვის:
"გნებავთ, ანგარიშით და გნებავთ, თამაშის ხარისხით აშკარაა, რომ წინ მივდივართ. შოტლანდიასთან, ინგლისთან და უელსთან მატჩებს ერთმანეთს თუ შევადარებთ, პროგრესი თვალსაჩინოა. ნაკლებ შეცდომებს ვუშვებთ და მეტად თავდაჯერებულები ვართ, მაგრამ სამწუხაროდ, ასეთი დონის გუნდები ელემენტარულ შეცდომასაც კი სათავისოდ იყენებენ
უელსთან დაფიქსირებული ანგარიში თამაშს არ შეესაბამება. ასეთ შედეგს არ ვიმსახურებდით და მოედნიდან გამოსვლის შემდეგ ყველას გვქონდა შეგრძნება, რომ ამ შეხვედრის მოგება შეიძლებოდა, მაგრამ ეს გამოცდილებაა და თუ ხშირად გვექნება მსგავსი მაღალი დონის მატჩების ჩატარების შესაძლებლობა, დარწმუნებული ვარ, სულ მალე მსგავსი შეხვედრები ჩვენ სასარგებლოდ დასრულდება".
უელსთან მატჩში, შერკინებაში დანიშნულ ჯარიმებს ბრეგვაძე უსამართლოდ მიიჩნევს და ამბობს:
"გნებავთ, ინგლისთან და გნებავთ, უელსთან, შერკინებაში სხვა სურათი უნდა ყოფილიყო. მეტოქის სამი ნომერი წნეხს როგორც კი იგრძნობდა, ეგრევე დაბლა მიდიოდა. ასეთი რამ არა მხოლოდ ჩვენს თამაშებში, ზოგადად, ხშირად ხდება და ჩემი აზრით, შერკინებებში სიტუაცია აუცილებლად დასარეგულირებელია. იგივე ხდებოდა ინგლისთან მატჩში. სინკლერს შერკინებაში დგომა და ენერგიის დახარჯვა არ უნდოდა და ამისთვის არ ისჯებოდა".
29 ნოემბერს საქართველო "შემოდგომის ერთა თასის" ჯგუფური ეტაპის დასკვნით მატჩში დუბლინში ირლანდიას ეთამაშება:
"ირლანდია უელსზე ძლიერი და ინგლისზე სუსტია. ამ ტურნირზე ყველა გუნდი ვარსკვლავებითაა სავსე და უმაღლესი დონის რაგბის თამაშობს. მნიშვნელოვანია, რომ გამოვასწოროთ ჩვენი შეცდომები და როგორც უელსთან ვითამაშეთ ინგლისზე უკეთესი ხარისხის რაგბი, ასევე გვქონდეს უკეთესობა ამ შემთხვევაშიც. შერკინება ჩვენი ძლიერი მხარეა და ასეთად უნდა დავტოვოთ.
მნიშვნელოვანია, რომ 80 წუთის განმავლობაში, შეტევასა თუ დაცვაში არ ამოვვარდეთ სისტემიდან და აღარ დავუშვათ შეცდომები. რაგბი პატარ-პატარა, ერთი შეხედვით უმნიშვნელო დეტალებისგან შედგება და თუ ამ დეტალებს კარგად ვერ ასრულებ, ასეთ დონეზე წარმატებული თამაში აღარ გამოგდის".
29 ნოემბერს საქართველო "შემოდგომის ერთა თასის" ჯგუფური ეტაპის დასკვნით მატჩში დუბლინში ირლანდიას ეთამაშება:
"ირლანდია უელსზე ძლიერი და ინგლისზე სუსტია. ამ ტურნირზე ყველა გუნდი ვარსკვლავებითაა სავსე და უმაღლესი დონის რაგბის თამაშობს. მნიშვნელოვანია, რომ გამოვასწოროთ ჩვენი შეცდომები და როგორც უელსთან ვითამაშეთ ინგლისზე უკეთესი ხარისხის რაგბი, ასევე გვქონდეს უკეთესობა ამ შემთხვევაშიც. შერკინება ჩვენი ძლიერი მხარეა და ასეთად უნდა დავტოვოთ.
მნიშვნელოვანია, რომ 80 წუთის განმავლობაში, შეტევასა თუ დაცვაში არ ამოვვარდეთ სისტემიდან და აღარ დავუშვათ შეცდომები. რაგბი პატარ-პატარა, ერთი შეხედვით უმნიშვნელო დეტალებისგან შედგება და თუ ამ დეტალებს კარგად ვერ ასრულებ, ასეთ დონეზე წარმატებული თამაში აღარ გამოგდის".
rugby.ge
"რვა ერი" - მზადება ირლანდიისთვის
![ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]](/pictures/image7/0f4b77bd967b8edd701abb94e504f0be.jpg "ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]")
![საქართველოს ნაკრებმა რუმინეთი დაჯაბნა და დამაჯერებელი გამარჯვება მოიპოვა [VIDEO]](/pictures/image7/411b4bc664172b68da8f647f9239deed.jpg "საქართველოს ნაკრებმა რუმინეთი დაჯაბნა და დამაჯერებელი გამარჯვება მოიპოვა [VIDEO]")
რწმენით იწყება საქმე, მაგრამ შედეგისთვის სხვა რამ (მწრთვნელი და ოპტიმალური შემადგენლობა) ასევეა საჭირო.