9 ოქტომბერს, 2019 წლის რაგბის მსოფლიო თასის C ჯგუფის შეხვედრაში არგენტინის ნაკრებმა ძალიან ლაღ და გახსნილ შეხვედრაში აშშ საკმაოდ იოლად დაამარცხა და 2023 წლის მსოფლიო თასზე თამაში გაინაღდა.
მატჩი საკმაოდ დაძაბული ბრძოლით დაიწყო და ანგარიში მხოლოდ მე-19 წუთზე გაიხსნა. ლელო არგენტინელებმა დადეს, თავი სანჩესმა გამოიჩინა. მომდევნო 15 წუთში სამხრეთამერიკელებმა კიდევ 2 ლელო დაუდეს მოწინააღმდეგეს და ტაიმის ბოლოს ანგარიში 19:0 იყო, თუმცა პირველი ნახევრის ბოლოს აშშ-ის ნაკრების მორაგბეებმაც გამოიჩინეს თავი და შესვენებაზე გუნდები ანგარიშით 19:5 გავიდნენ.
მეორე ნახევარში მაყურებელმა კიდევ უფრო
გახსნილი თამაში და უფრო მეტი ლელო იხილა. არგენტინელებმა ამერიკელები 4-ჯერ დაალელოვეს, აშშ-ის ნაკრებმა მეტოქის მოედანში ბურთი 2 ჯერ დაამიწა და საბოლოოდ არგენტინამ 30-ქულიანი სხვაობით, 47:17 მოიგო.
მსოფლიოს თასი, C ჯგუფი
არგენტინა - აშშ 47:17 ლელოები
არგენტინა: სანჩესი, ტუკულეტი (2), მალილა (2), დე ლა ფუენტე, ბერტანოუ აშშ: სკალი(2), ლასიკი
გარდასახვები
არგენტინა: სანჩესი (5), ურდაპილეტა
აშშ: მაკგინთი
