იაპონიაში მიმდინარე რაგბის მსოფლიო თასზე სამხრეთაფრიკელი მსაჯი იაკო ფაიფერის ერთი შეხედვით უწყინარმა ხუმრობამ საქმე სკანდალამდე მიიყვანა და საფრანგეთის რაგბის კავშირმა მსოფლიო რაგბისაგან სასწრაფო განმარტება მოითხოვა.
საქმე ეხება მომენტს მსოფლიოს თასის 1/4-ფინალური მატჩიდან უელსსა და საფრანგეთს შორის. ფრანგთა მორკინალი სებასტიან ვაჰაამაჰინა სულელურად მოიქცა და უელსელთა მორაგბე აარონ უეინრაითს იდაყვი უთავაზა. ამისთვის იაკო ფაიფერისაგან წითელი ბარათი დამსახურებულად მიიღო.
თუმცა ამის შემდეგ ინტერნეტში გავრცელდა ფოტო, რომელზეც ფაიფერი უელსელ გულშემატკივრებთან ერთად იყო და ვააჰამაჰინასა და უენრაითის ინციდენტის იმიტაციას აკეთებდნენ.
საფრანგეთის რაგბის კავშირის ვიცე-პრეზიდენტმა სერჟ
სიმონმა აღნიშნულ ფოტოს "შემაშფოთებელი" უწოდა.
"ეს ფოტო ნამდვილად შემაშფოთებელია და დაუყოვნებლივ განმარტებას საჭიროებს", - აღნიშნა მან.
მსოფლიო რაგბიში განაცხადეს, რომ იციან ამ ფოტოს შესახებ, თუმცა საკითხის ბოლომდე გარკვევის გარეშე არანაირ ზომას არ მიიღებენ.
მომზადებულია rugbypass-ის მიხედვით
რაგბის მსოფლიო თასი: უელსმა კაცნაკრულ საფრანგეთს 1 ქულით აჯობა [VIDEO]
![საფრანგეთმა ბელგიას, იტალიამ კი ისრაელს მოუგო [VIDEO]](/pictures/image7/cf98abaf6a964200ed7b46b1931aa18a.jpg "საფრანგეთმა ბელგიას, იტალიამ კი ისრაელს მოუგო [VIDEO]")
![სპალეტის იტალიამ პარიზში საფრანგეთს მოუგო [VIDEO]](/pictures/image7/046b7b02b50db76c383cdc5d46481bc9.jpeg "სპალეტის იტალიამ პარიზში საფრანგეთს მოუგო [VIDEO]")
![8 გოლი და ქამბექი, რომელიც საკმარისი არ აღმოჩნდა - ესპანეთის ნაკრებმა ოლიმპიადის ფინალში საფრანგეთი დაამარცხა [VIDEO]](/pictures/image7/619bc79be3c02052ac1dddc83eabacc8.png "8 გოლი და ქამბექი, რომელიც საკმარისი არ აღმოჩნდა - ესპანეთის ნაკრებმა ოლიმპიადის ფინალში საფრანგეთი დაამარცხა [VIDEO]")
