რაგბის მსოფლიო თასის მეორე ფინალისტი გამოვლინდა

დღეს, 27 ოქტომბერს გაიმართა 2019 წლის რაგბის მსოფლიო თასის მეორე ნახევარფინალი სამხრეთ აფრიკასა და უელსს შორის, რომელიც აფრიკელთა გამარჯვებით დასრულდა - 19:16.

პირველ ტაიმში გუნდებმა ქულების მოპოვება მხოლოდ ჯარიმების საშუალებით მოახერხეს. აფრიკელთაგან სამი ჯარიმა პოლარდმა გაიტანა, ხოლო ულესელთა მხრიდან ზუსტად ორჯერ ბიგარმა დაარტყა. პირველი ტაიმი სამხრეთ აფრიკამ 9:6 მოიგო.

მეორე ტაიმის დასაწყისში დან ბიგარმა ისევ ჯარიმიდან გაათანაბრა. ამას გუნდების მხრიდან 1-1 გარდასახული ლელო მოჰყვა. 76-ე წუთზე კი პოლარდმა კიდევ ერთი ჯარიმა გაიტანა და სამხრეთ აფრიკა მსოფლიო თასის ფინალში გაიყვანა - 19:16.

ფინალში სამხრეთ აფრიკა ინგლისის ნაკრებს შეხვდება. ხოლო ბრინჯაოს მედლებისათვის ერთმანეთს ახალი ზელანდია და უელსი დაუპირისპირდებიან.

მსოფლიო თასი, ნახევარფინალი

უელსი - სამხრეთ აფრიკა 16:19

ლელოები

უელსი: ადამსი
სამხრეთ აფრიკა: ალიენდე

გარდასახვები

უელსი: ჰალპენი
სამხრეთ აფრიკა: პოლარდი

ჯარიმები

უელსი: ბიგარი (3)
სამხრეთ აფრიკა: პოლარდი (4)