"მსოფლიო რაგბის" პრეზიდენტმა გიორგი კვირიკაშვილს წერილით მიმართა

AutoSharing Option
"მსოფლიო რაგბის" პრეზიდენტი ბილ ბომონტი პრემიერ-მინისტრ გიორგი კვირიკაშვილსა და საქართველოს მთავრობას მსოფლიო რაგბის 20-წლამდელთა 2017 წლის ჩემპიონატის წარმატებით ჩატარების უზრუნველყოფისთვის მადლობას უხდის.

საქართველოს მთავრობის მეთაურისადმი გამოგზავნილ წერილში ბილ ბომონტი აღნიშნავს, რომ ჩემპიონატი საქართველოში გამორჩეული წარმატებით ჩატარდა და ამასთან, აღსანიშნავია უმაღლესი სტანდარტების შესაბამისი შენობა-ნაგებობები და გამართული ინფრასტრუქტურა.

"მსოფლიო რაგბის" პრეზიდენტის ინფორმაციით, მონაწილე გუნდების უმრავლესობის შეფასება ძალიან პოზიტიურია, ზოგიერთი გუნდი კი დეტალურად და ხაზგასმით აღწერს იმ სითბოსა და სტუმართმოყვარეობას, რომელიც რაგბის ქართველმა გულშემატკივარმა და ზოგადად, საზოგადოებამ მათ მიმართ თბილისსა და ქუთაისში გამოიჩინა.

"მართალია, ჩვენ არასოდეს გვეპარებოდა ეჭვი, რომ მსოფლიო რაგბი, თქვენი მთავრობის დახმარებით, წარმატებით ჩაატარებდა ამ ჩემპიონატს, მაგრამ უნდა ვაღიაროთ, რომ შედეგმა ჩვენს მოლოდინს აშკარად გადააჭარბა, რისთვისაც, მსოფლიო რაგბის სახელით, მოგახსენებთ გულწრფელ მადლობას - თქვენმა მთავრობამ წარმატებით შეასრულა თავისი დაპირებები ფინანსური მხარდაჭერისა და შენობა-ნაგებობების უზრუნველყოფის კუთხით, რისი წყალობითაც ჩვენ მივიღეთ წარმატებით ჩატარებული მსოფლიო რაგბის მნიშვნელოვანი ღონისძიება.

ეჭვი არ მეპარება, რომ მსოფლიო რაგბის 20-წლამდელთა 2017 წლის ჩემპიონატი სამუდამოდ დაამახსოვრდებათ სპორტსმენებს და მათ ოჯახებს, მსაჯებს და რაგბის მოყვარულებს, რომლებიც საქართველოში დაესწრნენ ამ შესანიშნავ ჩემპიონატს და თავად იხილეს, რას ნიშნავს ნამდვილი ქართული სტუმართმოყვარეობა.

დარწმუნებული ვარ, საქართველოში ამ ჩემპიონატის წარმატებით მასპინძლობის გამოცდილება უდიდეს წვლილს შეიტანს თქვენს უმშვენიერეს ქვეყანაში რაგბის განვითარებაში. ჩვენი მხრიდან, გიდასტურებთ საქართველოს რაგბის კავშირისა და საქართველოში სპორტის ამ სახეობის პოპულარიზაციისა და განვითარებისკენ მიმართული განსაკუთრებული საქმიანობის მტკიცე მხარდაჭერას", - აღნიშნავს წერილში ბილ ბომონტი.

Sportall.Ge

პრემიერ-მინისტრის პრესსამსახური
მკითხველის კომენტარები / 7 /
6 ერში არ გვღებულობენ ეს სულ სხვა ტურნინი იქნება რომელშიც 6 ერის გუნდებიც მიიღებენ მონაწილეობას თუმცა 6 ერისკენ ეს უდავოდ წინ გადადგმული ნაბიჯია
LIVE
12 ივლისი 2017 17:17
0
შედეგმაც არ დააყოვნა და აგერ ჩვენ ახალგაზრდებს 6- ერში ღებულობენ.
გიორგი
12 ივლისი 2017 00:59
0
რატომ გწყინთ გრიგოლ ბატონო? ეს ხომ თქვენი ქვეყანაცაა.
ბაჩუკი
11 ივლისი 2017 15:19
0
kargi iqneboda imazec tqvit ori sitkva.am hempionatisatvis 10 sportuli nageboba rom unda aehenebinat vin heitkapuna is fulebi.
. . . . .
11 ივლისი 2017 15:18
0
ალბათ უპრიანი იქნებოდა დედანი ბიძოსტვის გაეგზავნათ, ხოლო ასლი მთავრობისთვის
ss
11 ივლისი 2017 14:51
1
ისემც ამის კახური 9-სართულიანი. წესიერი ქვეყნები გამოეშვა ნოემბერში მერე, ამერიკა კანადის მაგივრად.
Grigol Grigolava
11 ივლისი 2017 13:35
0
,,კარგი ჩვენც გაგვეხარდება, ცუდი არც თავის დედასა." მადლობა უფალს! ! !
bebe
11 ივლისი 2017 11:32
0

სიახლეები პოპულარული