აღმოსავლეთ საქართველოს ნაკრებმა, დასავლეთის ნაკრებს ქუთაისში სამი გარდასახული ლელო გაუტანა და ქართული რაგბის ისტორიაში პირველ იმერ-ამერის შეხვედრაში 21:12 იმარჯვა.საქართველოს პირველი დემოკრატიული რესპუბლიკის დაარსებიდან 100 წლის იუბილის აღსანიშნავ მატჩს 26 მაისს ‘აია’ არენამ უმასპინძლა. დასავლეთის ბირთვს ‘აიას’ მორაგბეები წარმოადგენდნენ (16), 7 მოთამაშე ‘ბათუმიდან’ იყო, ხოლო თითო-თითო ‘ბაგრატიდან’ და ‘არესიდან’. აღმოსავლეთის ნაკრებში ყველაზე მეტი მოთამაშე ჩემპიონი ‘ლოკომოტივიდან’ იყო, 6-6 გორის ‘ჯიქიდან’ და თბილისის ‘აკადემიიდან’, სამი რუსთავის ‘ხარებიდან’ და თითო-თითო ‘არმაზიდან’ და ‘ლელო-სარასენსიდან’.
გუნდებს შეუთამაშებლობა ეტყობოდათ და პირველი 20 წუთი დალაგებას მოანდომეს,
‘ამერი’ უპირატესობას ფლობდა, თღუმცა ტაიმის მიწურულს მეორე ლელო კონტრშეტევაზე გაიტანა. მათ საკუთარი 22-იდან ფეხით სცადეს სიტუაციის განმუხტვა, ფრთაზე დარტყმული ბურთი ხარაზიშვილის ნადავლი გახდა, იერიში ვახო ამირანაშვილმა გააგრძელა, ორ მბოჭავს გაექცა და ხარაზიშვილის გარდასახვის შემდეგ ანგარიში 14:0 გახდა.
მეორე ტაიმის დასაწყისში ‘იმერი’ თამაშში დაბრუნდა. 42-ე წუთზე ნიკა წივწივაძემ შებრუნებული პასი შეირგო, ხაზი გაჭრა და ლელო ძელებსშუა გაიტანა, ხოლო ბახვა კობახიძემ გარდასახა. 47-ე წუთზე ბახვამ ხაზი გაჭრა, მარცხენა ფრთაზე მეტობა შექმნა და ვანო ფუტკარაძე ალამთან შესრიალდა. გარდასახვა არაზუსტი იყო და ‘ამერმა’ 2-ქულიანი უპირატესობა შეინარჩუნა.
დასავლეთელებს დაწინაურების შანსი რამდენჯერმე ჰქონდათ, მაგრამ ეს ვერ მოახერხეს. აღმოსავლეთელებმა კი, 70-ე წუთზე საკუთარი შანსი გამოიყენეს, გიორგი ხუროშვილი ახლოდან მიეძალა და ლელო გაიტანა, ხოლო ხარაზიშვილმა გარდასახა და საბოლოო შედეგი დააფიქსირა - 21:12.
მომზადებულია rugby.ge-ს მიხედვით
