ფოტო: rugby.ge/გოგიტა ბუხაიძე
საქართველოს რაგბის კავშირის პრეზიდენტმა გოჩა სვანიძემ საქართველოში იაპონიის საგანგებო და სრულუფლებიან ელჩს, ტადაჰარუ უეჰარას უმასპინძლა და იაპონიაში "ბორჯღალოსანთა" მიმართ გამოჩენილი მასპინძლობისთვის მადლობა გადაუხადა.
გარდა ამისა, შეხვედრაზე განიხილეს მომავალი თანამშრომლობის ფორმები და ბავშვთა რაგბიში გაცვლითი პროგრამების ამოქმედების შესაძლებლობები.
ტადაჰარუ უეჰარა (იაპონიის საგანგებო და სრულუფლებიანი ელჩი საქართველოში): "მე ძალიან ამაყი ვარ, რომ ისეთ მნიშვნელოვან ტურნირს, როგორიც მსოფლიო თასია და საქართველოს ეროვნულ ნაკრებს, ჩემი ქვეყანა, იაპონია მასპინძლობს. ტოკოშიმოს პრეფექტურა მზადყოფნაში დახვდა თქვენს ნაკრებს და მოხარული ვარ, რომ ქართველები იგრძნობენ იმ
გოჩა სვანიძე: "ჩვენი ნაკრები უკვე იაპონიაშია და ძალიან კარგ პირობებში ცხოვრობს. გუნდს ტოკოშიმოს პრეფექტურის ხელმძღვანელობის სახით, ძალიან კარგი მასპინძლები ჰყავს, რისთვისაც იაპონიაში ჩასვლისას მათ პირადად გადავუხდი მადლობას.
დღეს იყო ჩვენი მორიგი მეგობრული შეხვედრა იაპონიის ელჩთან და მასაც მადლობა გადავუხადეთ იმ ყურადღებისთვის, რომელიც ჩვენ მიმართ გამოიჩინეს. ასევე, ვისაუბრეთ ბავშვთა რაგბის გაცვლით პროგრამებზე.
რაგბი არის ურთიერთობების ფორმა და ვფიქრობ, ჩვენი მეგობრობა არ უნდა შემოიფარგლოს მხოლოდ ოფიციალური ვიზიტებით. ორი უძველესი და დიდი კულტურის მქონე ხალხისთვის ბავშვების დაახლოება საინტერესო იქნება".
![alt](/pictures/image50/023959ffc68c73ecf4c5166c1d121b02.jpg ""ჩვენი ბავშვების დაახლოვება საინტერესო იქნება" - გოჩა სვანიძემ იაპონიის ელჩს უმასპინძლა")
საიუბილეო და ისტორიული - დღეს "ბორჯღალოსნების" დაბადების დღეა!მომზადებულია rugby.ge-ს მიხედვით
!["ცოცხებით გავყრი მაგათ" - დაპირისპირება რაგბის კავშირში... [VIDEO]](/pictures/image7/c89a17bae97f1fec68d92f5ad82fa35b.jpg "\"ცოცხებით გავყრი მაგათ\" - დაპირისპირება რაგბის კავშირში... [VIDEO]")
