საქართველოს საუკეთესო მსაჯს, ნიკა ამაშუკელს, რამდენიმე დღეში "შემოდგომის ერთა თასზე" და ზოგადად, ელიტურ რაგბიში, დებიუტი ექნება.22 ნოემბერს შოტლანდია "მარიფილდზე" საფრანგეთს მასპინძლობს. „ბ“ ჯგუფის ფაქტობრივ ფინალს, რომლის გამარჯვებული, დიდი ალბათობით, ტურნირის ფინალში ითამაშებს, ინგლისელი უეინ ბარნსი განსჯის და მას კიდიდან ქართველი ნიკა ამაშუკელი დაეხმარება.
ეს იქნება პირველი შემთხვევა, როდესაც ქართველი მსაჯი ტიერ1-ის გუნდების შეხვედრას მოემსახურება:
"შესანიშნავი შეგრძნებაა, როდესაც ასეთ სტადიონზე, ასეთი დონის ტურნირზე გიწევს მსაჯობა და პირისპირ უნდა შეხვდე მსოფლიო დონის ვარსკვლავებს", - ამბობს ამაშუკელი, რომლის სიხარული ვერც მსოფლიო პანდემიამ
"ვირუსისგან გამოწვეული რეგულაციები გაურკვევლობის შეგრძნებას მიტოვებს, მაგრამ ეს სირთულეები ვერ აფერმკრთალებს იმ სიხარულს, რასაც ამ დონის ტურნირზე მსაჯობა ჰქვია. მოედანზე გავალ დღესდღეობით მსოფლიოს საუკეთესო მსაჯთან. ამისათვის ფიზიკურად და ფსიქოლოგიურად ვემზადები, ბევრს ვმუშაობ საკუთარ თავზე. განვიხილავ და ვსწავლობ ორივე გუნდის თამაშის დეტალებს, ვითვისებ იმ მკაცრ პროტოკოლს, რაც ვიდეორეფერისთან მუშაობას ესაჭიროება და რაც გვერდითი მსაჯის სპეციფიკას ახასიათებს".
"უეინმა შოტლანდია-საფრანგეთის მატჩზე დანიშნული ოფიციალური პირებისთვის გააკეთა ჯგუფი და განვიხილავთ მომენტებს. დღეს უნდა გვქონდეს ვიდეოკონფერენცია, რომლის დროსაც კონკრეტულ მომენტებზე გავამახვილებთ ყურადღებას. დანიშვნის დღიდან ერთმანეთთან აქტიური კავშირი გვაქვს და სხვადასხვა სათამაშო სიტუაციაზე ვცვლით მოსაზრებებს. ვემზადებით ყველა იმ ნიუანსისთვის, რაც ამ გუნდების ისტორიულ დაპირისპირებას ახლავს".
ამაშუკელის კარიერული აღმასვლა რაგბი ევროპის ჩემპიონატის დაბალი დონიდან დაიწყო და რამდენიმე წელიწადში 26 წლის მსაჯი ელიტურ რაგბიში გაერია. ამ დრომდე ნიკამ რამდენიმე ტესტ-მატჩი, 20-წლამდელთა მსოფლიო ჩემპიონატსა და 20-წლამდელთა "ექვს ერზე" იმსაჯა, თუმცა ამით მისი პასუხისმგებლობა კიდევ უფრო გაიზარდა და განვითარებასაც მეტ ყურადღებას უთმობს:
"ყოველი ახალი დანიშვნა იყო ერთი საფეხურით მაღლა ასვლა, თუმცა ჩემი მიდგომა ყოველი ნაბიჯის შემდეგ იყო, რომ გამეგრძელებინა შრომა როგორც ფიზიკური, ასევე დეტალებში გარკვევის კუთხით და ასე გრძელდება ახლაც. განსხვავება მხოლოდ ისაა, რომ ყოველი ასეთი ნაბიჯის შემდეგ მზადება უფრო ინტენსიური ხდება".
rugby.ge
ნიკა ამაშუკელი "შემოდგომის ერთა თასის" ორ მატჩში იმსაჯებს
