სარაგბო კლუბ "წიქარას" ერთ-ერთმა დამფუძნებელმა და მწვრთნელმა თენგიზ წიქარიძემ გუშინ, 24 თებერვლის საღამოს, პრესკონფერენცია გამართა.
"ჩვენი კლუბის მაისურს "ღირსება" აწერია. 24 თებერვალს კი ისარგებლეს რა კლუბის პრეზიდენტ თენგიზ გოცირიძის ავადმყოფობით, ჩვენი გუნდის ღირსება შელახეს. ოპერაციის შემდეგ ცუდად გახდა და საავადმყოფოში გადაიყვანეს. 24 თებერვლის დილით დავურეკე, მოვიკითხე და მწვრთნელებთან, მთელ კლუბთან შეთანხმებული პოზიცია კიდევ ერთხელ გავიარეთ. ერთი სიტყვით, ის რაგბის კავშირის საარჩევნო ყრილობაზე არ მიდიოდა.
პირველის 15 წუთზე დამირეკა და მითხრა, რომ მოხდა ის, რაც მოხდა. არ ვიცი, ეს იყო მოტყუებით, მუქარით თუ მოქრთამვით, ამაზე თავად გიპასუხებთ; ერთი სიტყვით, სხვა ადამიანზე მინდობილობით გადაფორმდა მისი უფლებამოსილება.
ადამიანს, ვისზეც მინდობილობა გაფორმდა, მე არ ვიცნობ. ვიცი, რომ ადრე მეგობრობდნენ. მისი სახელია ნოდარ ლიპარტელიანი. მე ყოველდღე ვარჯიშზე ვარ, ის კი არასდროს მინახავს. მინდა ვკითხო მას, უნახავს ის 14 მწვრთნელი, რომლებიც უსასყიდლოდ ავარჯიშებენ ბავშვებს? ან მეორე ლიგაში მოთამაშე თვალანთებული ბიჭები, რომლებიც სიხარულით ხვდებიან თენგოს?
თენგიზ გოცირიძე კლუბის დაარსების დღიდან მისი პრეზიდენტია და ამ მოვალეობას 11 წელია ასრულებს. არაერთი თაობა გვყავს აღზრდილი. მათი ნაწილი ნაკრებში თამაშობს, ნაწილი ჯარშია და ქვეყანას იცავს.
ამ ყველაფერს ბოლო უნდა მოეღოს. მე და ჩვენ, კლუბ "წიქარას" ღირსებასა და სულში ასეთ "ტიპებს" ხელს ვერ ვაფათურებინებთ", - განაცხადა ნიკოლოზ წიქარიძემ.
მოგეხსენებათ, გუშინ, 24 თებერვალს, საქართველოს რაგბის კავშირის საარჩევნო ყრილობა იყო ჩანიშნული, თუმცა კვორუმის არარსებობის გამო ვერ შედგა. ირაკლი აბუსერიძის მხარდამჭერები აცხადებდნენ, რომ კლუბების წარმომადგენლებზე ზეწოლა მიდიოდა და ბევრ მათგანს საკუთარი უფლებამოსილება მინდობილობით სხვა პირებზე გადააფორმებინეს.
![alt](/pictures/image50/af5786d9273113d96bdcefc2ad0ef135.jpg "ნაოპერაციებ კაცს პალატაში მინდობილობა გააფორმებინეს - სარაგბო კლუბ "წიქარას" დამფუძნებელი [VIDEO]")
ან გვექნება რაგბის კავშირი, ან კიდევ ერთი სამშენებლო კომპანია - ირაკლი აბუსერიძე![alt](/pictures/image50/109dd90d68e50174ce46c299f35aca39.jpg "ნაოპერაციევ კაცს პალატაში მინდობილობა გააფორმებინეს - სარაგბო კლუბ "წიქარას" დამფუძნებელი [VIDEO]")
SPORTALL - რაგბის კავშირის ჩაშლილი არჩევნები [VIDEO]![alt](/pictures/image50/0a65a0097b6f7c5a0d22709be09b719f.jpg "ნაოპერაციევ კაცს პალატაში მინდობილობა გააფორმებინეს - სარაგბო კლუბ "წიქარას" დამფუძნებელი [VIDEO]")
ექსკლუზიური ინტერვიუ პრეზიდენტობის კანდიდატ სოსო ტყემალაძესთან [VIDEO]![alt](/pictures/image50/5a7a8a55efad1a0e55fa3277ec41dd98.jpg "ნაოპერაციევ კაცს პალატაში მინდობილობა გააფორმებინეს - სარაგბო კლუბ "წიქარას" დამფუძნებელი [VIDEO]")
"დელეგატებზე ზეწოლა იყო და ფიზიკური შეურაცხყოფა მიაყენეს" - სოსო ტყემალაძე
