რაგბი ევროპის ახალი საკლუბო ტურნირი სუპერ თასი შაბათ-კვირას, სამი თამაშით დაიწყო.პირველ ქართულ პროფესიულ ფრენჩაიზ ‘შავ ლომს’ პირველ ტურში ისრაელის ‘თელავივ ჰითისთვის’ უნდა ემასპინძლა, მაგრამ ქვეყანაში არსებული კოვიდ-სიტუაციის გამო, ის 16 ოქტომბრისთვის გადაიდო.
შედეგად, აღმოსავლეთ კონფერენციაში მხოლოდ ერთი შეხვედრა გაიმართა, რომელშიც ‘ენისეიმ’ ‘ლოკომოტივ-პენზას’ უმასპინძლა და 22:6 დაამარცხა. მატჩის მიწურულს ახალ ტურნირში თავისი პირველი ლელო გაიტანა კრასნოიარსკელთა ფრთამ დავით მესხმა. მან შეუცვლელად ითამაშა, ფეხით შეცურებულ ბურთს შეყვა, მცველს სისწრაფეში აჯობა და სამით მეტი ლელოს გატანისთვის, საკუთარ გუნდს ბონუს-ქულაც მოუპოვა.
‘ლოკომოტივი-პენზას’ ძირითადში
დასავლეთ კონფერენციაში ნიდერლანდის ‘დელტამ’ ‘ბრიუსელ დევილზს’ (ბელგია) 34:13 მოუგო, ხოლო პორტუგალიურმა ‘ლუზიტანოსმა’ ესპანურ ‘იბერიანზს’ 34:19 სძლია. გამარჯვებულებმა ბონუსიც მიიღეს.
25 დეკემბერს მეორე ტურში ‘ლოკომოტივი’ ‘ენისეის’ უმასპინძლებს, ‘დევილზი’ ‘დელტას’ დაუხვდება, ხოლო ‘იბერიანზი’ ‘ლუზიტანოსს’ მიიღებს.
rugby.ge
"შავი ლომი" - სამ-სამი თამაში ოქტომბერსა და დეკემბერში
!["შავი ლომი" "კლერმონთან" უშანსოდ დამარცხდა [VIDEO]](/pictures/image7/45ad77661f2e6a973532f658ddd1c73e.jpg "\"შავი ლომი\" \"კლერმონთან\" უშანსოდ დამარცხდა [VIDEO]")
